Covid-19 मुळे थांबले रजनीकांत यांच्या चित्रपटाचे शूटिंग , 8 सदस्य ‘कोरोना’ पॉझिटिव्ह
File Photo नवी दिल्ली : वृत्तसंस्था – कोरोना काळात इतर व्यवसायांप्रमाणेच चित्रपट सृष्टीवरही याचा वाईट परिणाम झाला आहे. कित्येक महिने थिएटर बंद राहिली आणि चित्रपटाच्या शुटिंगलाही बंदी घातली गेली. कालांतराने गोष्टी सामान्य झाल्या, परंतु तरीही देशातून कोरोनाचा प्रादुर्भाव संपलेला नाही. कोणत्या ना कोणत्या चित्रपटाच््या शूटिंग दरम्यान क्रू किंवा कलाकारांपैकी कोणीही कोविड पॉझिटिव्ह आल्याने शूटिंग थांबवावी लागते. अलीकडेच सुपरस्टार रजनीकांतच्या अ‍ॅनाथे या चित्रपटाच्या शूटिंग दरम्यान असेच काहीसे घडले आहे.
कोविड -19 मुळे रजनीकांत यांच्या अ‍ॅनाथे या चित्रपटाचे शूटिंग थांबवावे लागले. चित्रपटाचे शूटिंग हैदराबाद येथे सुरू होते आणि क्रूमधील 8 सदस्य कोविड पॉझिटिव्ह असल्याचे आढळले आहे. रजनीकांत चित्रपटाच्या शूटिंगसाठी गेल्या आठवड्यात चेन्नईतून रवाना झाले होते आणि 29 डिसेंबरपर्यंत हैदराबादमध्ये नयनतारासोबत चित्रपटाचे शूटिंग वेळापत्रक पूर्ण होणार होते. मात्र, टीमचे सदस्य कोविड पॉझिटिव्ह सापडल्यामुळे चित्रपटाच्या शूटिंगवर परिणाम झाला असून चित्रपटाचे शूटिंग पुन्हा कधी सुरू होईल याबाबत माहिती नाही. दरम्यान, सुपरस्टार रजनीकांत या महिन्यात 70 वर्षांचे झाले आहेत. 12 डिसेंबर रोजी त्यांनी आपला 70 वा वाढदिवस साजरा केला. पंतप्रधान नरेंद्र मोदींसह अनेक दिग्गजांनी त्यांना वाढदिवसाच्या शुभेच्छा दिल्या.
कोविडमुळे पुढे ढकलण्यात आली रिलीज
वर्क फ्रंटबद्दल बोलतांना, रजनीकांत स्टारर अ‍ॅनाथे या चित्रपटाचे दिग्दर्शन शिवा करीत आहेत, तर तमिळ भाषेत बनवलेल्या या चित्रपटात प्रकाश राज आणि जॅकी श्रॉफसुद्धा महत्त्वपूर्ण भूमिका साकारताना दिसणार आहेत. हा चित्रपट यावर्षी दसऱ्याला प्रदर्शित होणार होता पण कोविडमुळे त्याचे शूटिंग लांबणीवर पडले. मग प्रोडक्शन हाऊसने तो पोंगलवर रीलीज करण्याचा निर्णय घेतला पण तेही होऊ शकले नाही. आताा तो पुढच्या वर्षी प्रदर्शित होईल.