Rakesh Jhunjhunwala | 5 हजार रुपयांतून उभे केले 40 हजार कोटीचे साम्राज्य, आता आकाशात टाटांसोबत स्पर्धा
file photoमुंबई : पोलीसनामा ऑनलाइन – Rakesh Jhunjhunwala | शेअर बाजारातील (Share Market) बिग बुल (Big Bull) आणि भारताचे वॉरेन बफे (Warren Buffet) म्हणून प्रसिद्ध असलेले गुंतवणूकदार राकेश झुनझुनवाला (Rakesh Jhunjhunwala) हे सध्या पुन्हा चर्चेत आहेत. शेअर बाजारात पैसा कमावल्यानंतर झुनझुनवाला आता एअरलाइन क्षेत्रात (Airline Sector) उतरले आहेत. आकासा एअर (Akasa Air) या नवीन विमान कंपनीत त्यांनी मोठी गुंतवणूक केली असून आता ही कंपनी पुढील महिन्यापासून कामकाज सुरू करणार आहे.
शेअर बाजारात (Stock Market) गुंतवणूक करणार्‍या झुनझुनवाला यांच्याकडे आज हजारो कोटींची संपत्ती (Rakesh Jhunjhunwala Networth) आहे. गंमत म्हणजे एवढी संपत्ती असलेल्या या व्यक्तीचा प्रवास केवळ 5 हजार रुपयांपासून सुरू झाला.
आता इतके आहे झुनझुनवालांचे नेटवर्थ
राकेश झुनझुनवाला, ज्यांना भारताचे वॉरेन बफे (Warren Buffett) म्हटले जाते, त्यांच्या उत्पन्नाचा मुख्य स्त्रोत शेअर बाजार आहे. झुनझुनवाला यांची ही यशोगाथा अवघ्या पाच हजार रुपयांपासून सुरू झाली.
आज त्यांची एकूण संपत्ती 40 हजार कोटींच्या आसपास आहे. या यशामुळे झुनझुनवाला यांना भारतीय शेअर बाजाराचा बिग बुल आणि भारताचे वॉरेन बफे असे संबोधले जाते. सामान्य गुंतवणूकदार शेअर बाजारात पैसे गमावत असतानाही झुनझुनवाला कमाई करतात. (Rakesh Jhunjhunwala)
असा सुरू झाला गुंतवणुकीचा प्रवास
शेअर बाजारातील दिग्गज गुंतवणूकदार झुनझुनवाला यांनी 1985 मध्ये दलाल स्ट्रीट (Dalal Street) मध्ये पाऊल ठेवले. शेअर मार्केट (Share Market) मध्ये पैसे गुंतवण्याची प्रेरणा त्यांना वडिलांकडून मिळाली. मात्र, झुनझुनवाला यांनी पहिल्यांदा शेअर बाजारात पैसे गुंतवायचे ठरवले तेव्हा त्यांच्या वडिलांनी त्यांना पैसे देण्यास नकार दिला होता.
इतकेच नाही तर झुनझुनवाला यांच्या वडिलांनी सक्त ताकीद दिली होती की त्यांनी कोणत्याही मित्राकडून पैसेही उधार घेऊ नयेत. त्यांनी स्पष्टपणे सांगितले होते की, जर तुला शेअर मार्केटमध्ये उतरायचे असेल तर आधी मेहनतीने पैसे कमाव आणि गुंतव.
टाटांनी उघडले झुनझुनवालांचे नशीब
व्यवसायाने चार्टर्ड अकाउंटंट (CA) असलेले राकेश झुनझुनवाला यांनी 1985 मध्ये पाच हजार रुपये गुंतवून गुंतवणूकदार म्हणून आपल्या कारकिर्दीला सुरुवात केली. टाटा शेअर्समधून त्यांना सर्वात मोठा ब्रेक मिळाला. एकेकाळी त्यांनी टाटा ग्रुप (Tata Group) च्या टाटा टी कंपनीचे पाच हजार शेअर्स 43 रुपये दराने खरेदी केले होते.
तीन महिन्यांत टाटा टी (Tata Tea) चा शेअर खूप वर चढला. त्यानंतर झुनझुनवाला यांनी हा शेअर 143 रुपयांना विकला. ही 1986 मधील गोष्ट आहे, आणि या निर्णयामुळे झुनझुनवाला यांना तीन महिन्यांत 2.15 लाख रुपयांच्या गुंतवणुकीवर 5 लाख रुपयांचा नफा झाला.
टायटन (Titan) ने बनवले मार्केट बिगबुल
पुढील तीन वर्षांत राकेश झुनझुनवाला शेअर्समध्ये पैसे गुंतवून करोडपतींच्या यादीत आले.
या तीन वर्षांत त्यांना सुमारे अडीच कोटी रुपयांचा नफा झाला.
टाटा समूहाच्या आणखी एका कंपनीने झुनझुनवाला बिगबुल बनले.
टाटा समूहाची कंपनी टायटन (Titan) मध्ये त्यांनी 2003 साली पैसे गुंतवले.
त्यानंतर त्यांनी तीन रुपये दराने टायटनचे सहा कोटी शेअर्स खरेदी केले.
एकेकाळी झुनझुनवाला यांच्याकडे टायटनचे सुमारे 4.5 कोटी शेअर्स होते, ज्यांचे मूल्य 7000 कोटी रुपयांपेक्षा जास्त होते.
झुनझुनवाला यांच्याकडे अजूनही टायटन कंपनीचे भरपूर शेअर आहेत.
या मोठ्या कंपन्यांमध्ये झुनझुनवालांचे शेअर्स
झुनझुनवाला यांच्या पोर्टफोलिओमध्ये सध्या सेल (SAIL), टाटा मोटर्स (Tata Motors), टाटा कम्युनिकेशन्स (Tata Communications),
ल्यूपिन (Lupin), टीव्ही 18 (TV18), डीबी रियल्टी (DB Realty), इंडियन हॉटेल्स (Indian Hotels),
इंडियाबुल्स हाऊसिंग (India Bulls Housing Finance) कंपन्या जसे की फायनान्स, फेडरल बँक (Federal Bank), करुर वैश्य बँक (Karur Vaishya Bank), एस्कॉर्ट्स लिमिटेड (Escorts Ltd), टायटन कंपनी (Titan Company), एमसीएक्स (MCX)
यांचा समावेश आहे. याच आठवड्यात, त्यांनी डेल्टा कॉर्पचे 2.5 दशलक्ष शेअर्स विकले,
त्यानंतर कंपनीच्या स्टॉकचे मूल्य 10 टक्क्यांहून जास्त घसरले.
आता ’आकासा एअर’ ने करणार टाटांशी स्पर्धा
अकासा एअर या त्यांच्या नवीन उपक्रमाबद्दल सांगायचे तर, कंपनीला मंगळवारी पहिल्या विमानाची डिलिव्हरी मिळाली.
आकासा एअरचे उद्दिष्ट परवडणारी विमानसेवा प्रदान करण्याचे आहे.
कंपनी पुढील महिन्यापासून म्हणजे जुलैपासून विमानसेवा सुरू करण्याच्या तयारीत आहे.
राकेश झुनझुनवाला यांनी या कंपनीमध्ये सुमारे 50 दशलक्ष इतकी मोठी गुंतवणूक केली आहे.
योगायोगाने टाटा समूहाच्या कंपन्यांमधून पैसा कमावणारे झुनझुनवाला आता टाटांशी आकाशात टक्कर देण्याची तयारी करत आहे.
टाटा समूहाने अलीकडेच लिलावात एअर इंडिया विकत घेतली.
यापूर्वी टाटांच्या एअर एशिया इंडिया आणि विस्तारा सारख्या एअरलाईन्स होत्या.
Web Title :- Rakesh Jhunjhunwala | rakesh jhunjhunwala story journey from share market to aviation sector big bull warren buffet
Join our WhatsApp Group, Telegram, facebook page and Twitter for every update