मुंबई : पोलीसनामा ऑनलाई – Ranveer Allahbadia-Samay Raina | ‘इंडियाज गॉट लॅटेंट’ शोचा सूत्रधार समय रैना आणि या शोमधील यूट्यूबर रणवीर अलाहाबादिया यांच्या अडचणी वाढण्याची शक्यता आहे. महाराष्ट्र सायबर सेलने या कार्यक्रमाशी संबंधित व्यक्तींची चौकशी केल्यानंतर याबाबत सविस्तर माहिती दिली आहे आहे. यामध्ये. समय रैना आणि रणवीर अलाहाबादिया हे अश्लीलता पसरवल्याप्रकरणी दोषी आढळून आल्याचा निष्कर्ष काढण्यात आला. या प्रकरणात लवकरच आरोपपत्र दाखल करणार असल्याचे सायबर सेलने स्पष्ट केले.
समोर आलेल्या माहितीनुसार, मंगळवारी सायबर सेलने इंडियाज गॉट लॅटेंट शो मधील समय रैना, रणवीर अलाहाबादिया, अपूर्वा मखिजा, आशिश चंचलानी आणि जसप्रीत सिंग यांची चौकशी केली. याआधी त्यांच्यापैकी प्रत्येकाला स्वतंत्रपणे बोलवून त्यांची चौकशी करण्यात आली होती. गेल्या शुक्रवारी सायबर सेलचे अतिरिक्त पोलीस महासंचालक यशस्वी यादव यांनी लवकरच या प्रकरणात आरोपपत्र दाखल करणार असल्याची माहिती दिली आहे.
