नवी दिल्ली, वृत्तसंस्था : सुशांत सिंह प्रकरणात ईडी आणि सीबीआय रिया आणि तिच्या कुटूंबावर आपली पकड घट्ट करीत आहेत. रिया चक्रवर्तीच्या वडिलांना आज ईडीने समन्स बजावले. तसेच काही कागदपत्रे देखील मागविले आहेत. आज रियाचे वडील इंद्रजीत यांना माध्यमांच्या तीक्ष्ण प्रश्नांचा सामना करावा लागला. ज्यावर अभिनेत्रीच्या वडिलांनी राग देखील व्यक्त केला. या व्यतिरिक्त दोन महिलांनी रियाच्या सोसायटीमध्ये घुसून गोंधळ माजवला आणि चक्रवर्ती परिवारावर काळ्या जादूचा आरोप लावला.
रियाच्या कुटूंबावर काळ्या जादूचा आरोप
वास्तविक, या दोन्ही महिला खारच्या रहिवासी होत्या. ज्या सुशांतच्या फॅन असल्याचे दिसून येत होते. या दोघी रियाच्या सोसायटीच्या इमारतीत शिरल्या आणि रियाच्या आईवर काळा जादू केल्याचा आरोप करू लागल्या. दोन्ही महिला रिया आणि तिच्या कुटूंबावर नाराज असून सुशांतच्या मृत्यूसाठी त्यांना दोषी ठरवत आहेत. दोन्ही महिलांनी रिया आणि तिच्या कुटुंबियांवर हल्ला केला. यावेळी जोरदार गोंधळ उडाला. त्यानंतर सुरक्षा रक्षकाने दोन्ही महिलांना बाहेर काढले.
महिलांनी आरोप केला की रियाची आई सफेद पावडरचा वापर करीत होती. सुशांतवर 3 महिन्यांपासून काळा जादू केला जात होता. त्यांना रियाच्या मेड आणि शेजार्‍यांकडून काळ्या जादूबद्दल माहिती मिळाली. त्यांना हे माहित नव्हते की ते सुशांतला ठार मारतील. तसेच त्यांनी रियाला पकडण्याची मागणी देखील केली. जेव्हा या दोन महिलांना विचारण्यात आले की काळ्या जादूबद्दल त्यांना माहित होते तर त्या पोलिसांकडे का गेल्या नाहीत, त्याला उत्तर म्हणून त्या म्हणाल्या- पोलिसांवर आमचा विश्वास नव्हता, म्हणून आम्ही त्यांच्याकडे गेलो नाही. दोन्ही बायकांचा हा गोंधळ ऐकून रियाचे वडील अस्वस्थ झाले आणि घराच्या आत निघून गेले.
दुसरीकडे रियाच्या वडिलांची त्यांच्या बिल्डिंगमध्ये जात असताना मीडियाशी गाठ पडली. या दरम्यान इंद्रजित यांना तीक्ष्ण प्रश्न विचारले गेले आणि त्यांची उत्तरे मागण्यात आली. यानंतर रियाच्या वडिलांनी मीडियाच्या प्रश्नांवर तीव्र नाराजी व्यक्त केली आणि रागाने म्हणाले की, आता काय जीवे मारणार.