बुधगाव येथील दत्तात्रय कदम यांचे मधवनगरमध्ये मंगळवार पेठेत मुख्य रस्त्यालगत दुकान आहे. सोमवारी रात्री आठ वाजता दुकान बंद करून ते घरी गेले. मध्यरात्री चोरट्यांनी दुकानाच्या छताची कौल काढून दुकानात प्रवेश केला. दुकानातील गल्ल्यातील एक लाखाची रोकड लंपास केली. त्यानंतर तिजोरी फोडली. यामधील चांदीच्या गणेश मूर्ती, अन्नपूर्णा लक्ष्मी मुर्ती, चांदीचा करंडा, पैजण, जोडवी अशी दोन लाख रूपयांची पाच किलो चांदी लंपास केली. तसेच दहा नग सोन्याचे मणीमंगळसुत्र, साठ लहान अंगठ्या, तीन बोरमाळ, दोन चेन, नक्षी मळी, तास मणी असे पंधरा तोळे सोने लंपास केले.
बुधवारी सकाळी नऊ वाजता कदम दुकान उघडण्यासाठी आले. दुकान उघडल्यानंतर त्यांना छत फुटलेल्या अवस्थेत दिसले. दुकानात चोरी झाल्याचे निदर्शनास येताच त्यांनी संजयनगर पोलिसांना माहिती दिली. पोलिस उपाधीक्षक अशोक वीरकर, सहायक निरीक्षक काकासाहेब पाटील यांच्या पथकाने घटनास्थळी भेट दिली. चोरट्यांचा माग काढण्यासाठी ठसे तज्ञ व श्वान पथकास पाचारण केले होते. श्वान दुकानपासून काही अंतरावर जाऊन घुटमळले. तज्ञांना महत्वाचे ठसे मिळाले आहेत. दोन चोरटे छताची कौले काढून दुकानात प्रवेश करताना सिसिटीव्ही कॅमेऱ्यात कैद झाले आहेत. त्याआधारे पोलिसांनी तपासाला दिशा दिली आहे.
फेसबुक पेज लाईक करा – https://www.facebook.com/policenama/
- ‘या’ ५ वनस्पती जवळपास ठेवल्या तर डास जातील पळून !
- ‘या’ ७ उपायांनी मासिक पाळीच्या वेदना होतील दूर !
- ‘सोशल मीडिया’वर सतत ‘अॅक्टिव्ह’ राहण्याचे ‘हे’ आहेत ३ दुष्परिणाम
- उपाशीपोटी ‘हे’ ७ पदार्थ चुकूनही खाऊ नका, जाणून घ्या परिणाम
- ‘या’ ७ कारणांमुळे पोटावर झोपणे आरोग्यासाठी घातक !
- ‘हे’ आहेत चॉकलेटचे ८ आरोग्यदायी फायदे ! जाणून घ्या
- सकाळी चालायला जाता, मग ‘ब्रिस्कवॉक’ घ्या, ‘या’ ५ गोष्टी लक्षात ठेवा
- मुळ्याचे ‘हे’ १५ आरोग्यवर्धक फायदे माहिती आहेत का ? जाणून घ्या
- पायावर उभे राहूनही काम करायला शिका, ‘हे’ आहेत ४ फायदे
- ‘हे’ तेल हृदयासाठी ‘टॉनिक’, 9 प्रकारच्या आजारांपासून ठेवतं दूर, जाणून घ्या
- उत्तम आरोग्यासाठी ‘हे’ ४ पदार्थ नियमित खा, जाणून घ्या कोणते