कर्जत-जामखेडमध्ये एकच वादा ‘रोहित’ दादा ! पवारांची ‘जंगी’ मिरवणुक, 30 JCB अन् 8000 KG गुलालाची ‘उधळण’ (व्हिडिओ)

On Nov 1, 2019

अहमदनगर : पोलीसनामा ऑनलाइन – कर्जत–जामखेड मतदार संघात राष्ट्रवादीचे विजयी उमेदवार रोहित पवार यांची आज भव्य रॅली काढण्यात आली. या रॅलीत तरुणांचा मोठा सहभाग होता. विशेष म्हणजे या विजयी मिरवणुकीत तब्बल तीस जेसीबी मधून गुलाल उधळण्यात आला. राष्ट्रवादीचे उमेदवार रोहित पवार विजयी झाल्यानंतर प्रथमच विजय रॅली जामखेडमध्ये काढण्यात आली.

कर्जत-जामखेड मतदार संघात भाजपाचे पालकमंत्री राम शिंदे यांचा पराभव केल्यानंतर राष्ट्रवादीच्या कार्यकर्त्यांमध्ये मोठा उत्साह दिसत होता. या मिरवणुकीत तब्बल 30 जेसीबींच्या साह्याने गुलालाची उधळण करण्यात आली. पवार यांच्यावर गुलाल उधळण्यासाठी प्रत्येक चौकात एक जेसीबी उभा करण्यात आला होता. 30 जेसीबींमधून गुलाल उधळून रोहित पवार यांचे स्वागत करण्यात आले.

निवडून आल्यानंतर जनतेचे आभार मानण्यासाठी रोहित पवार पहिल्यांदाच जामखेड शहरात आले होते. आभार मानल्यानंतर रोहित पवार यांची शहरातून भव्य मिरवणूक काढण्यात आली. मिरवणुकीनंतर पवार यांची सभा झाली. तरुणाईचा जोश, ढोलताशांचा धडाका आणि प्रचंड गर्दीत जामखेडमध्ये ही मिरवणूक निघाली. या मिरवणुकीत जेसीबीच्या साह्याने गुलाल उधळण्यात आला. हा गुलाल उधळण्यासाठी तब्बल 30 जेसीबी सर्व शहरातल्या चौकात लावण्यात आल्या होत्या.

रोहित पवार असलेली गाडी जशी चौकात येत होती तसं कार्यकर्ते जेसीबीतला गुलाल उधळत होते. त्यामुळे सगळं शहर गुलालात माखलं गेलं होतं. यंदाच्या निवडणुकीत राष्ट्रवादीने जेसीबीतून गुलाल उधळण्याची नवी पद्धत आणली आहे. याआधी राष्ट्रवादीचे नेते धनंजय मुंडे यांनी परळीत विजय मिळवल्यानंतर कार्यकर्त्यांनी जेसीबीच्या फाळक्यातून गुलाल उधळत सेलिब्रेशन केलं होतं. आता मुंडे यांच्यानंतर पवार यांच्यावरही जेसीबीच्या फाळक्यातून गुलाल उधळण्यात आला.

Visit : policenama.com