‘कॉमेडी नाईट्’स विथ कपिलच्या पहिल्या भागात सारा अली खान रोहित शेट्टी आणि रणवीर सिंग चित्रपटाचं प्रमोशन करण्यासाठी आले होते. यावेळी रोहित शेट्टीनं साराची निवड कशी झाली याचा भन्नाट किस्सा सांगितला. तो म्हणाला की, “काम मिळवण्यासाठी सारानं मला खूप मेसेज केले होते. शेवटी कंटाळून मी तिला भेटायला बोलावलं. साराच्या घरातील प्रत्येक व्यक्ती सेलिब्रिटी आहेत. ती स्टार किड आहे त्यामुळे भेटायला येताना चार पाच बॉडीगार्ड, मॅनेजर असा लवाजमा घेऊन ती येईल असं मला वाटलं. मात्र ती एकटीच आली होती. ती एकटीच आली यावर माझा विश्वासच बसत नव्हता. मला भेटायला आल्यावर अक्षरश: हात जोडून तिनं काम मागितलं.”
पुढे रोहित शेट्टी असंही म्हणाला की, “तिचा तो सच्चपणा मला एवढा भावला की माझे डोळे पाणावले. सैफ अली खानची मुलगी असतानाही काम मिळवण्यासाठी ती करत असलेली धडपड मला खूप आवडली. तिला चित्रपटात काम द्या असं सांगायला मला ना सैफनं फोन केला ना अमृता सिंगनं.” तिनं काम मिळवण्यासाठी स्वत: धडपड केली हे मला खूप जास्त आवडलं असं म्हणत रोहितनं तो किस्सा सांगितला.