Rupali Chakankar | BJP खासदाराच्या सुनेला मारहाण; सुनेच्या मदतीसाठी धावल्या राष्ट्रवादीच्या रुपाली चाकणकर
पुणे : पोलीसनामा ऑनलाइन – वर्ध्यातील (Vardha) भाजपा खासदार रामदास तडस (BJP MP Ramdas Tadas) यांच्या सुनेचा एक व्हिडीओ सध्या सोशल मीडियावर मोठ्या प्रमाणात व्हायरल होताना दिसत आहे. त्या व्हिडीओ मध्ये त्यांनी सासरकडचे लोक मारहान करत असल्याचे म्हटले आहे. तर, राष्ट्रवादी काँग्रेसच्या (NCP) महिला प्रदेशाध्यक्ष रुपाली चाकणकर (Rupali Chakankar) यांनी रामदास तडस यांच्या सुनेचा व्हिडीओ (Video) ट्वीट केला आहे. रामदास तडस यांच्या सुनेच्या मदतीला चाकणकर (Rupali Chakankar) धावून गेल्या आहेत .
रामदास तडस (BJP MP Ramdas Tadas) यांच्या सुन पुजा यांनी सासरकडचे लोक अत्याचार करत असल्याचा आरोप केला आहे. तेथील लोक मारहाण करत असल्याचा आरोप केला आहे. यावरुन त्यांचा व्हिडीओ रुपाली चाकणकर यांनी टि्वटरवर पोस्ट केला आहे. रुपाली चाकणकर (Rupali Chakankar) म्हणाल्या की, ‘आज मला माझ्या मोबाइलवर एक व्हिडीओ आला. रडण्याचा आवाज येत होता. मी पूजा बोलतेय. मला मदतीची गरज आहे. मला इथून बाहेर काढा. अन्यथा माझ्या जीवाला धोका आहे. अशा स्वरुपाचा तो व्हिडीओ होता” अशी माहिती रुपाली चाकणकर यांनी दिली.
Supreme Court | केंद्राचे ऐतिहासिक पाऊल ! सुप्रीम कोर्टाला सांगितले – महिलांना सुद्धा मिळेल NDA मध्ये प्रवेश, पण गाईडलाईनसाठी वेळ द्या
वर्धा भाजप खासदार रामदास तडस यांच्या सुन यांना गेली अनेक दिवस हे तडस कुटूंब मारहाण करून अत्याचार करीत आहेत.पुजाचा आताच हा व्हिडीओ माझ्यापर्यंत आला, तातडीने पोलीस आयुक्तांशी संपर्क साधला आहे. माझ्या पदाधिकारी व पोलिस सरंक्षणासाठी पोहचले आहेत. @NagpurPolice@maharashtra_hmo pic.twitter.com/PHAxlD2X3F
— Rupali Chakankar (@ChakankarSpeaks) September 8, 2021
‘पूजा माझ्याशी बोलत होती. माझ्या जीवाला धोका आहे. मला त्रास होतोय. मी आज पोलीस स्टेशनला जाणार होते. पण मी तिथपर्यंत पोहोचू नये, यासाठी तडस कुटुंबीय माझ्यावर जीवघेणा हल्ला करु शकतात” असं तिने सांगितल्याचं रुपाली चाकणकर म्हणाल्या आहेत. पुढं त्या म्हणाल्या की, “पूजाचा व्हिडीओ मिळाल्यानंतर मी लगेच पोलिसांशी संपर्क साधला. माझ्या महिला पदाधिकाऱ्यांशी बोलले. पूजा जिथे आहे, तिथे पोलीस आणि महिला पदाधिकारी पोहोचल्या आहेत. पोलिसांची तिला संरक्षण देण्याची जबाबदारी आहे” असे रुपाली चाकणकर (Rupali Chakankar) यांनी म्हटलं आहे.
दरम्यान, रुपाली चाकणकर (Rupali Chakankar) म्हणाल्या, “रामदास तडस यांचे कुटुंबीय घरच्या सुनेला प्रचंड त्रास देत होते. ती तणावाखाली आहे. पोलीस प्रशासनाने आरोपींविरोधात कारवाई करावी. रामदास तडस केंद्रात खासदार म्हणून काम करतात. घरातल्या सुनेसोबत असे वागत असाल, तर हे निंदयनीय आहे, असं देखील त्या म्हणाल्या आहेत.
Pune Metro | …तोपर्यंत लकडी पुलावरील मेट्रोचे काम थांबविण्याचा महापौर मुरलीधर मोहोळ यांचा आदेश