‘सचिन, सचिन आहे त्याची विराटशी बरोबरी नाही होऊ शकत’- हरभजन सिंग 

औरंगाबाद : पोलीसनामा ऑनलाइन –  क्रिकेटपटू विराट कोहलीची मास्टर ब्लास्टर सचिन तेंडुलकरची तुलना करणे अत्यंत चुकीची आहे, असे मत क्रिकेटपटू हरभजन सिंग यांने येथे व्यक्त केले. खेळ मंदावला आहे आणि त्यामुळे खेळणं जास्त सोपं झाले आहे,एका खासगी कार्यक्रमाला हरभजन आला होता त्यावेळी त्याने हे मत व्यक्त केले. सचिन तेंडुलकर ज्याकाळी खेळत होता, त्या काळी खेळ अत्यंत कठीण होता. ऑस्ट्रेलिया, वेस्टइंडीज, श्रीलंका या टीममध्ये अत्यंत तगडे खेळाडू होते. त्यामुळे त्यावेळी खेळ एक मोठी परीक्षा असायची. मात्र सध्याच्या काळात क्रिकेटचा स्तर खालावला आहे असे हरभजन म्हणाला.

सचिन, सचिन आहे. सचिनची कोणाशीही बरोबरी होऊ शकत नाही. सचिन याने जगाला क्रिकेट दाखवले आणि शिकवले आहे. आताच्या काळातील खेळाडूंची नावही लक्षात राहत नाही. त्याकाळी ज्या वेळेस सचिन खेळत होता, तेव्हा क्रिकेटपटूंची नावं लोकांच्या तोंडावर असायची. आता एक किंवा दोन क्रिकेटरची नाव आपण सांगू शकत नाही, अशी वेळ क्रिकेटवर आली, असल्याचे हरभजन सिंग म्हणाला.

सचिन खेळला त्याकाळी वकार युनीस, वसीम अक्रम, यासारखे गोलंदाज त्याच्यासमोर असायचे आणि त्याने सगळ्यांसमोर खेळून विक्रम केला आहे. त्यामुळे सचिन आणि विराटची तुलना नकोच असे हरभजन म्हणाला. खेळाला राजकारणापासून दूर ठेवलं पाहिजे, असे हरभजन म्हणाला.

या देशासोबत खेळू नका त्याच देशात सोबत खेळू नका यातून नक्की काय साध्य होते हे मला कळत नसल्याचं हरभजन सिंग म्हणाला. पाकिस्तानसोबत खेळायला नेहमीच विरोध होतो, मात्र पाकिस्तानसोबत आपण इतर गेम खेळत आहोत, असे हरभजन म्हणाला. पाकिस्तानसोबत व्यापार चालतो, पाकिस्तानला जाण्याचे रस्ते सुरु होतात. मग क्रिकेटलाच विरोध का होतो, असा सवाल त्याने उपस्थित केला.

दरम्यान या आधीही लता मंगेशकर यांनी या दोघांची तुलना करणे चुकीचे आहे असे म्हंटले होते टीम इंडियाची ‘रनमशीन’ असणाऱ्या विराट कोहलीची मास्टर ब्लास्टर सचिन तेंडुलकरशी होत असलेली तुलना योग्य नसल्याचे मत लता मंगेशकर यांनी व्यक्त केले आहे. सचिन तेंडुलकरची तुलना कुणाशीही होऊ शकत नाही,सध्या क्रिकेटच्या बातम्या चर्चेच आहेत, ही चांगली गोष्ट आहे.

मात्र, काही जणांकडून सचिन तेंडुलकर आणि विराट कोहली यांची तुलना केली जात आहे. ही गोष्ट मला आवडलेली नाही. सचिन आणि विराट दोघेजणही आपापल्या जागी मोठे खेळाडू आहेत. विराटचे भविष्य खूपच उज्ज्वल आहे. पण सचिनचा खेळ ही एक दीर्घ तपस्या असल्याने त्याची तुलना कोणाशीही होऊ शकत नाही,