#MeToo : ‘मी एक व्यक्ती म्हणून नवाजच्या सोबत आहे’ – कुक्कू

मुंबई : पोलीसनामा आॅनलाईन – #MeToo स्टोरीमध्ये शिकार झालेल्या अभिनेता नवाजुद्दीन सिद्दिकीला त्याची  सेक्रेड गेम्समधली सहकलाकार कुब्रा सेटने मात्र नवाजला पाठिंबा दर्शवला आहे. या आरोपानंतर अनेकांनी नवाजवर टीका केली. माजी मिस इंडिया निहारिका सिंह हिने तिच्या #MeToo स्टोरीमध्ये अभिनेता नवाजुद्दीन सिद्दिकीवर गंभीर आरोप केले आहेत.  त्यानंतर अनेकांनी निहारिकाला पाठिंबा दर्शवत नवाजवर टीका केली.

नवाजबद्दल अापला अनुभव सांगताना  निहारिका म्हणाली की, “एकदा मी नवाजला सकाळी माझ्या घरी नाश्त्यासाठी बोलावले होते. नवाज सकाळी घरी आला, मी दरवाजा उघडल्यावर नवाजने मला मिठित घट्ट पकडले. मी त्याला धक्का देण्याचा प्रयत्न करत होते. परंतु सुरुवातीला मला ते शक्य झाले नाही. त्यानंतर काही वेळ आमच्यात धक्काबुक्की झाली. त्यानंतर मी त्याच्या मिठीतून सुटले. मला कळत नव्हते की, आमच्या नात्याचे काय करावे. नवाज मला म्हणाला की माझे स्वप्न आहे की, परेश रावल आणि मनोज वाजपेयी यांच्याप्रमाणे माझी बायकोसुद्धा मिस इंडिया किंवा मोठी बॉलिवूड अभिनेत्री असावी’’. निहारिकाच्या या आरोपानंतर बॉलिवूडमध्ये खळबळ माजली. नावाज-निहारिकाचे हे प्रकरण पत्रकार संध्या मेनन यांनी जगासमोर मांडले.

”एक नाते तुटल्यानंतर दोघांमध्ये घडलेल्या घटना मीटू नाहीत. लोकांना मीटू आणि नातं या गोष्टींमधला फरक समजायला हवा, मी एक व्यक्ती म्हणून नवाजच्या सोबत आहे’.” असे ट्विट करत  सेक्रेड गेम्समधील कुकू म्हणजेच कुब्रा सेट हिने नवाजला पाठिंबा दर्शवला आहे.