‘इंशाअल्लाह’ नंतर ‘नो एंट्री’ च्या सिक्वेलमधून बाहेर पडला सलमान, अनिल कपूरने दिला दुजोरा

On Nov 6, 2019

मुबंई : पोलीसनामा ऑनलाइन – संजय लीला भन्साळीच्या ‘इंशाअल्लाह’ नंतर आता सलमान खानने दिग्दर्शक अनीस बज्मी यांचा १४ वर्षा पहिले आलेला चित्रपट ‘नो एन्ट्री’ च्या सिक्वेलमधून आपले हात मागे खेचले आहे. या चित्रपटातून सलमान खानने बाहेर पडण्याचा निर्णय घेतला आहे. बोनी कपूर या चित्रपटाची निर्मिती करत आहेत.

View this post on Instagram
A post shared by Salman Khan (@beingsalmankhan)

अभिनेता अनिल कपूर स्पष्ट शब्दात म्हणाला की, ‘आम्ही सध्या मुख्य लीड म्हणजेच प्रेम नावाच्या भूमिकेसाठी कलाकार शोधत आहोत. ज्यावेळी हे फायनल होईल तेव्हा चित्रपट दाखविण्यात येईल. हे स्पष्ट आहे की या चित्रपटात सलमान खान काम करणार नाही. प्रेम ही भूमिका निश्चित झाल्यानंतर इतर पात्रांसाठी कास्टिंग देखील होईल.’

View this post on Instagram
A post shared by Salman Khan (@beingsalmankhan)

अनीस बज्मी म्हणाले की, ‘प्रेमला शोधण्याची जबाबदारी बोनी कपूर यांची आहे. मी लेखक आहे. मी सिक्वेलची कथा लिहिली आहे. याचे नाव ‘नो एंट्री में एंट्री’ असे आहे. प्रेम म्हणून सलमान भाईची भूमिका करणारा इंडियात काय तर संपूर्ण जगात नाही. म्हणून मी बोनीजींवर ही जबाबदारी सोडली आहे. ते जसे म्हणतील तसे मी करीन. बाकी सलमानशी माझे खुप छान रिलेशन आहे. तो एका लेखकाचा मुलगा देखील आहे. म्हणून आमच्यासारख्या लेखकांचा तो खूप आदर करतो.’

अनीस बज्मी पुढे सांगतात की, ‘राहिला प्रश्न दुसऱ्या भागाचा तर तो मागील भागापेक्षा नक्कीच मोठा असेल. पहिल्या भागात तीन मुली आणि तीन मुले होती. यावेळी दहा नायिका आणि सहा नायक असतील. आम्ही यावेळी व्हीएफएक्स देखील अ‍ॅड करणार आहोत. जेव्हा बोनी जी म्हणतील तेव्हा आम्ही शूटला सुरुवात करू. हा चित्रपट एक्स्ट्रामॅरिटल अफेअरवर नसून पती-पत्नी नात्यांवर भाष्य करणारा आहे.’

बज्मी हे चित्रपटाच्या आधीच्या भागाबद्दल सांगताना म्हणाले की, ‘नो एंट्री’ चित्रपट गेल्या १४ वर्षापासून टीव्हीवर पन्नास वेळा पाहिला गेला आहे. त्यामुळे जेव्हा मूड खराब असेल तेव्हा हा चित्रपट पाहण्यासारखा आहे.’