पुणे : पोलीसनामा ऑनलाइन – सांगली महापुरात मदत करण्यावरून राजकीय टीका करणाऱ्या तरुणाला पलूस येथून आलेल्या पाच जणांनी कारमधून अपहरण करून बेदम मारहाण केल्याचा प्रकार मंगळवारी सायंकाळी घडला आहे. याप्रकरणी कोथरुड पोलीस ठाण्यात पाच जणांविरुद्ध मारहाण आणि अपहरणाचा गुन्हा दाखल करण्यात आला असून अद्याप कोणालाही अटक करण्यात आलेली नाही.
सुरज संजय लाड, जगदिश लाड, आशुतोष लाड, संदीप लाड, गुरुप्रसाद लाड (सर्व रा. कुंडल, ता. पलूस, जि. सांगली) यांच्या विरुद्ध अपहरण आणि मारहाणीचा गुन्हा दाखल करण्यात आला आहे. याप्रकरणी आदित्य उर्फ अतुल उत्तम लाड (वय-२२ रा. कोथरूड) यांनी कोथरूड पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, आरोपी आणि फिर्य़ादी हे एकमेकांच्या ओळखीचे आहेत. पलूस भागात महापूर आल्यानंतर स्थानिक आमदार डॉ. विश्वजीत कदम हे नागरिकांच्या मदतीसाठी धावून गेले होते. त्यावरून आदित्य लाड यांनी त्यांच्या गावातील ‘लाड सरकार’ आणि ‘एल ग्रुप’ यासह इतर ग्रुपवर ‘पुरातील जनतेला आमदार साहेब मदत करतात, बाकीचे लाडोबा कुठे गेले ?’ अशी पोस्ट टाकली होती. यावरून आरोपींनी फिर्य़ादी यांना फोन करून धमकावले होते.
मंगळवारी सायंकाळी आरोपींनी फिर्यादी यांच्या घरी येऊन त्यांना पांढऱ्या रंगाच्या कारमधून जबरदस्तीने घेऊन गेले. घरापासून दीड किलोमीटर अंतरावर गेल्यानंतर आरोपींनी गाडी थांबवून कारमधून फिर्यादी यांनी खाली उतरवले. त्या ठिकाणी त्यांना तू बदनामी करणारा मेसेज का टाकला अशी विचारणा करत लाथा बुक्क्यांनी आणि टायरच्या ट्युबने बेदम मारहाण केले. त्यानंतर घराजवळ सोडताना देखील बेदम मारहाण केली. तसेच जीवे मारून टाकण्याची धमकी दिली. पुढील तपास पोलीस निरीक्षक (गुन्हे) एस.एस. खटके करीत आहेत.
- कारल्याची पाने अनेक आजार करतात गायब, ‘हे’ उपाय करून पहा
- दिवसभरात ‘या’ ७ चुकांमधून केली एक चुक, तर होऊ शकतो ‘डायबिटीज’
- तरूणांनो, हँडसम दिसायचेय ? …तर अंघोळीच्या पाण्यात मिसळा ‘हे’ ८ पदार्थ
- झोपण्याआधी चुकुनही करू नका ‘या’ गोष्टी, होऊ शकतात ‘हे’ ७ दुष्परिणाम
- गव्हाच्या दाण्याएवढा चुना वाढवतो उंची आणि स्पर्म काउंट, ‘हे’ आहेत ६ उपाय
- वयानुसार मुला-मुलींचे किती असावे वजन ? आवश्य जाणून घ्या योग्य प्रमाण
- रोज ठेवा फक्त ५ मिनिटे मौन, चुटकीसरशी गायब होईल मानसिक ताण
- दिनक्रमातील ‘या’ ३ चुका हृदयाला पोहचवू शकतात धोका ! वेळीच घ्या काळजी
- ‘हे’ ४ पदार्थ अजिबात खावू नका, गळू शकतात केस, वेळीच घ्या खबरदारी
- सौंदर्य वाढीसाठी ओटमीलचे खास ९ फेसमास्क, कोरडी त्वचा होते मॉइश्चराइज ; जाणून घ्या