चौथ्या स्टेजच्या फुफ्फुसांच्या कॅन्सरशी लढतोय संजय दत्त, ‘फ्लूइड’ सॅम्पल रिपोर्टमध्ये समोर आलं
मुंबई : पोलीसनामा ऑनलाईन – मंगळवारचा दिवस संजय दत्तच्या चाहत्यांसाठी दु: खाचा डोंगर घेऊन आला. जेव्हा अभिनेताने उघड केले की, आपण काही काळ चित्रपटांपासून ब्रेक घेत आहे. यानंतर लवकरच, लोकांमध्ये याबद्दल अनेक प्रकारचे अंदाज बांधले जाऊ लागले. यानंतर संजय दत्त कर्करोगासारख्या प्राणघातक आजाराशी झुंज देत असल्याचे समजले. आतापर्यंत संजय दत्तने याबद्दल काहीही सांगितले नाही. मात्र त्याची पत्नी मान्यता दत्तने कुटुंबाबद्दल शोक व्यक्त केल्याबद्दल लोकांचे आभार मानले. अहवालानुसार संजय दत्तला फुफ्फुसाचा कर्करोग असून तो तिसर्‍या स्टेजमध्ये असल्याची माहिती मिळाली. परंतु नुकताच मिळालेल्या माहितीनुसार संजय दत्तला फुफ्फुसांचा कर्करोग स्टेज 3 चा नसून स्टेज 4 चा आहे.
संजय दत्तच्या फ्ल्युड सॅम्पल रिपोर्टमध्ये हा खुलासा झाला आहे. या अहवालात संजय दत्तची ऑक्सिजनची पातळी खूपच कमी असून त्याच्या फुफ्फुसात द्रव जमा झाल्याचे समोर आले आहे. यामुळे त्याला श्वास घेण्यात त्रास होत होता. त्यानंतर बुधवारी त्यांच्या द्रवपदार्थाच्या नमुन्याचा अहवाल आला, त्यात संजय दत्तचा फुफुसाचा कर्करोग चौथ्या टप्प्यात आला असल्याची पुष्टी झाली.
दरम्यान, संजय दत्त कर्करोगाने ग्रस्त झाल्याच्या बातमीनंतर त्यांचे हितचिंतक सोशल मीडियावरुन त्याच्या आरोग्यासाठी शुभेच्छा देऊ लागले. दुसर्‍याच दिवशी संजय दत्तची पत्नी मान्यता दत्तने एक निवेदन प्रसिद्ध केले. मान्यता दत्तने संजय दत्तच्या सर्व हितचिंतकांचे एका पोस्टद्वारे आभार मानले आहेत ज्यात संजू बाबा लवकरात लवकर बरे व्हावेत अशी शुभेच्छा होत्या.
मान्यताने आपल्या पोस्टमध्ये लिहिले की, ‘संजू लवकरच बरा व्हावा अश्या शुभेच्छा देणाऱ्या आपणा सर्वांचा मी आभारी आहे. या वेळेवर मात करण्यासाठी पूर्ण सामर्थ्य आणि प्रार्थनेची आवश्यकता आहे. कुटुंब गेल्या वर्षातही अत्यंत वाईट परिस्थितीतून गेले आहे, परंतु मला खात्री आहे की, ही वेळी निघून जाईल. मी संजू चाहत्यांना विनंती करते की, अंदाज आणि अफवांवर विश्वास ठेवू नका. आपल्या प्रेम आणि समर्थनाने आम्हाला मदत करा. संजू नेहमीच एक फायटर राहिला आहे आणि त्याचप्रमाणे आमचे कुटुंब देखील आहे. पुढील आव्हानांवर मात करण्यासाठी देवाने पुन्हा आपल्याला परीक्षेसाठी निवडले आहे. आम्हाला आपणा सर्वांच्या आशीर्वाद आणि प्रार्थना हव्या आहेत आणि आम्हाला माहित आहे की आम्ही नेहमीप्रमाणेच विजयी म्हणून उदयास येऊ.