Happy B’day Sara Tendulkar : 23 वर्षांची झाली सारा तेंडुलकर, जाणून घ्या तिच्याशी संबंधित ‘या’ 10 रंजक गोष्टी
नवी दिल्ली : वृत्तसंस्था – टीम इंडियाचा महान क्रिकेटपटू सचिन तेंडुलकरची मुलगी सारा तेंडुलकर आज आपला 23 वा वाढदिवस साजरा करीत आहे. साराच्या कुटुंबाविषयी संपूर्ण जगाला माहिती आहे, परंतु तिच्याबद्दल अशा बर्‍याच मनोरंजक गोष्टी आहेत ज्या कदाचित चाहत्यांना माहित नसतील. मुंबईत जन्मलेल्या साराने लंडन (युसीएल) येथील युनिव्हर्सिटी कॉलेजमधून मेडिसीनमध्ये पदवी संपादन केली आहे.
सारा तेंडुलकरचे नाव क्रीडा जगातील नामांकित सेलिब्रिटी स्टार किड्समध्ये येते. अभ्यास केल्यानंतर ती आता स्वतःच्या पायावर उभी आहे आणि स्वतःची एक वेगळी ओळख बनविण्यात व्यस्त आहे. चाहत्यांना जाणून आश्चर्य वाटेल कि, साराचे नाव क्रिकेटच्या एका लोकप्रिय टूर्नामेंट ‘ सहारा कप’ च्या नावावे ठेवण्यात आले आहे. 1997 मध्ये कर्णधार म्हणून सचिनने प्रथमच जिंकलेला हा पहिला टूर्नामेंट होता. 1990 मध्ये सचिन तेंडुलकरने मँचेस्टर येथे पहिले कसोटी शतक झळकावताना त्याला भेट म्हणून शॅम्पेनची बाटली मिळाली. त्यावेळी सचिन अंडर-18 होता, म्हणून त्याने ही बाटली उघडली नाही. परंतु 8 वर्षानंतर जेव्हा साराचा जन्म झाला तेव्हा सचिनने आनंदाच्या निमित्ताने तीच शॅम्पेन उघडली.
स्टार किड असल्याने बर्‍याचदा सारासाठी अडचणी उद्भवल्या आहेत. 2018 मध्ये सायबर पोलिसांनी अंधेरी येथील सॉफ्टवेअर अभियंताला अटक केली, जो साराच्या नावावर बनावट ट्विटर अकाउंट बनवून बड्या राजकारण्यांच्या पोस्टवर आक्षेपार्ह भाष्य करत होता. माहितीनुसार, रणवीर सिंग हा सारा तेंडुलकरचा आवडता बॉलिवूड अभिनेता आहे आणि बाजीराव मस्तानी हा तिचा आवडता चित्रपट आहे. साराला चित्रपटांची खूप आवड आहे आणि ती बर्‍याचदा चित्रपटगृहात मित्रांसह चित्रपट पाहायला जाते. यादरम्यान, काही काळापूर्वी अशी अफवा पसरली होती की, सारा शाहिद कपूरसोबत बॉलिवूड इंडस्ट्रीमध्ये डेब्यू करणार आहे. मात्र सचिन तेंडुलकरने या अफवा निराधार असल्याचे म्हणत फेटाळून लावले.
काही दिवसांपूर्वी सारा तेंडुलकरने तिचे एक छायाचित्र डॅडी सचिन तेंडुलकरसमवेत सोशल मीडियावर शेअर केले होते. या जुन्या फोटोच्या कॅप्शनमध्ये साराने लिहिले की, ‘प्रोटेक्टिव्ह, केयरिंग आणि क्रेझी वडील होण्याबद्दल धन्यवाद बाबा’. तसेच सारा आणि अर्जुन भाऊ – बहिणींपेक्षा अधिक चांगले मित्र आहेत. अर्जुन तेंडुलकरच्या 18 व्या वाढदिवशी साराने एक चित्र पोस्ट केले आणि शुभेच्छा दिल्या. सारा तिची आई अंजली तेंडुलकरच्या अगदी जवळची आहे. मदर्स डे वर तिच्या आईचे हे चित्र पोस्ट करत तिने लिहिले की, ‘तू माझ्यासाठी जे केलेस आणि तू जे करतेस ते मी कधीही फेडू शकत नाही. आम्ही तिघेही तिच्यावर खूप जास्त प्रेम करतो, ज्याचा कधी विचारही केला जाऊ शकत नाही.
सचिनच्या ‘सचिन: अ बिलियन ड्रीम्स’ या बायोपिकच्या प्रीमिअरच्या वेळी सारा म्हणाली, ‘लहान असताना मला माझ्या वडिलांच्या महानतेविषयी माहित नव्हते. माझ्यासाठी तो फक्त एक सामान्य पिता होता. पण त्याची बायोपिक पाहिल्यानंतर मला कळले की लोक त्याच्याबद्दल काय विचार करतात. दरम्यान, बहुतेकदा एखाद्या पार्टीत किंवा मोठ्या कार्यक्रमात ती संपूर्ण कुटुंब किंवा मित्रांसह दिसते. तिला वेस्टर्नसह पारंपारिक ड्रेस परिधान करणे देखील आवडते.
