निवृत्तीनंतर देखील ‘आनंद’दायी जाईल आयुष्य, ‘हे’ गुंवतणूकीचे पर्याय तुमच्यासाठी ‘उत्तम’

नवी दिल्ली : वृत्तसंस्था –   अलिकडच्या काळात आपण जी जीवनशैली जगत आहात आणि निवृत्तीनंतर जीवनशैलीत काही कमी असू नये अशी तुमची इच्छा आहे, यासाठी आपण वाढती महागाई लक्षात घेऊन भविष्यातील खर्चाची गणना केली पाहिजे. उदाहरणार्थ, आज तुमचा मासिक खर्च १०,००० रुपये आहे आणि जर तुम्ही महागाई वाढीचा विचार दरवर्षी पाच टक्के दराने केला, तर ३० वर्षानंतर तुमचा मासिक खर्च ४०,००० रुपये होईल. अशा परिस्थितीत तुम्ही निवृत्तीनंतर तुमची जीवनशैलीही चांगली राहील आणि निवृत्तीनंतर व्याजही मिळेल, अशी कशात आणि कशी गुंतवणूक कराल.

इक्विटी हा गुंतवणूकीचा पर्याय आहे, जो इतर ऍसेट वर्गाच्या तुलनेत उच्च उत्पन्न मिळवून दीर्घकाळ महागाईला मात देतो. इक्विटीमध्ये गुंतवणूक करण्याचा सर्वोत्तम मार्ग म्युच्युअल फंड आहे. सेवानिवृत्तीच्या योजनांसाठी टाटा म्युच्युअल फंड, यूटीआय म्युच्युअल फंड इत्यादी चांगले आहेत. पण सर्वप्रथम हे पाहिले पाहिजे की, सेवानिवृत्तीनंतरची सद्य:स्थिती टिकवण्यासाठी किती पैसे लागतील, अलीकडच्या काळात तुमची किती बचत होईल, तुम्ही किती धोका पत्करू शकता आणि निवृत्तीसाठी किती वर्षे बाकी आहेत.

खरतर, निवृत्ती निधी तयार करण्याचा म्युच्युअल फंड हा एक चांगला मार्ग आहे. अशा परिस्थितीत इक्विटी म्युच्युअल फंड तसेच पीपीएफ, गोल्ड इत्यादी घेऊन निवृत्तीसाठी एक गुंतवणूकीचा पोर्टफोलिओ तयार केला जाऊ शकतो. सेवानिवृत्तीसाठी १५-२० वर्षे शिल्लक राहिल्यास मोठ्या आणि मिड कॅप फंडांच्या व्यतिरिक्त मल्टी कॅप फंडांचा समावेश केला पाहिजे. दीर्घकाळ हे फंड चांगले फंड तयार करण्यास मदत करतील.

जर आपल्याला म्युच्युअल फंडमध्ये दीर्घ काळासाठी गुंतवणूक करायची असेल तर सिस्टिमॅटिक इन्व्हेस्टमेंट प्लॅन योग्य आहे. यामुळे बाजारातील चढउतार दरम्यान म्युच्युअल फंडाच्या युनिट्सच्या खरेदीचा खर्च सरासरी होत जातो आणि चांगला परतावा देखील मिळतो.

इक्विटीवरुन कर्जाकडे जायचे आहे

सेवानिवृत्तीच्या वेळेपर्यंत इक्विटीमध्ये गुंतवणूक रोखणे धोकादायक होऊ शकते. जर काही वर्षांपासून बाजारात घट राहिली तर, जरी आपण नफ्यात असाल तरी बाजाराच्या दिशेमुळे आपला नफा कमी होऊ शकतो. निधीच्या मासिक उत्पन्न योजनेत निवृत्तीसाठी बचत केलेल्या रकमेचा थोडासा भाग ठेवून एखादी व्यक्ती नियमित उत्पन्न मिळवू शकते.