जबरदस्त ! आता घरबसल्या सेट करा ATM कार्डाचा नवीन PIN, SBI बँकेची आपल्या ग्राहकांसाठी विशेष सुविधा
File Photo नवी दिल्ली : वृत्तसंस्था – सध्याच्या काळात बहुतांश लोक बँकेत पैसे काढण्यासाठी जाणे टाळतात. त्याऐवजी एटीएम कार्डच्या मदतीने पैसे काढतात. तसेच अनेक व्यवहारांसाठी डेबीट कार्डचा वापर करतात. एटीएम कार्डचा गैरवापर टाळण्यासाठी आपण एटीएम कार्डचा पिन बदललो. मात्र पिन बदलण्यासाठी बँकेत जावे लागते. परंतु आता स्टेट बँक ऑफ इंडिया (SBI) आपल्या ग्राहकांना बँकेच्या शाखेत न जाता लगेच डेबिट कार्डाचा पीन जनरेट करण्याची सुविधा देत आहे. या पिनला ग्रीन पिन असे म्हणतात.
कसा बदलायचा पिन नंबर
तुमचे जर एसबीआयमध्ये खाते असेल तर तुम्हाला एटीएम कार्डचा पिन बदलण्यासाठी बँकेत जाण्याची आवश्यकता नाही. डेबिट कार्ड पिन जनरेट करण्याची ही पद्धत सर्वात सोपी आहे. हे आयव्हीआर, इंटरनेट बँकिंगद्वारे केले जाऊ शकते. यासाठी प्रथम आपल्याला www.onlinesbi.com वर जावे लागेल. आपण तेथे लॉग इन करुन युजर आयडी आणि पासवर्ड टाकून लॉग इन करा.
पिन कसा जनरेट करायचा ?
लॉग इन केल्यानंतर दर्शविलेल्या पर्यायांमधून ‘ई-सेवा’ टॅब अंतर्गत ‘एटीएम कार्ड सेवा’ हा पर्याय निवडा. यानंतर एटीएम पिन जनरेशन असा पर्याय निवडा. आपण दोन पर्यायांमध्ये आपला एटीएम पिन जनरेट करु शकता. यामध्ये ओटीपी किंवा प्रोफाइल पासवर्ड वापरणे सादर करावा लागतो. तुम्ही ओटीपी पर्याय निवडला तर तुम्हाला नोंदणीकृत मोबाईलवर एक ओटीपी येईल. त्यानंतर डेबिट कार्ड ज्या बचत खात्याशी जोडले गेले आहे, त्याची माहिती द्यावी लागले.
ज्या एटीएम कार्डसाठी पिन जनरेट केले जाईल तो निवडा. नंतर सबमिटवर क्लिक करा. आपण तयार करु इच्छित असलेल्या नवीन पिनचे प्रथम दोन अंक प्रविष्ट करा. उर्वरित दोन अंक एसएमएसद्वारे आपल्याला पाठवले जातील. मोबाईल नंबरवर मेसेजद्वारे मिळालेले पहिले दोन अंक व आधीचे दोन अंक एकत्रित टाकून सबमिटवर क्लिक करा. अशा प्रकारे आपला पिन इंटरनेट बँकिंगद्वारे जनरेट केला जाईल.
IVR प्रणालीने पिन कसा सेट करायचा
आयव्हीआर प्रणालीद्वारे एसबीआय डेबिट कार्ड ग्रीन पिन तयार करण्यासाठी, आपल्याला नोंदणीकृत मोबाईल नंबरवर आपल्याला टोल फ्री क्रमांक 1800 112 211 किंवा 1800 425 3800 वर कॉल करावा लागेल. कॉल करण्यापूर्वी आपले एटीएम कार्ड आणि खाते क्रमांक एकत्र ठेवा जेणेकरुन आवश्यक असल्यास सर्व माहिती तात्काळ प्रविष्ट करता येईल. कॉलनंतर एटीएम/डेबिट कार्ड संबंधित सेवांसाठी दुसरा पर्याय निवडा. यानंतर, पिन जनरेशनसाठी एक दाबा. आपण ग्राहक एजंटशी बोलू इच्छित असल्यास, दोन दाबा, अन्यथा आयव्हीआरसाठी एक दाबा.
पिन बदलण्यासाठी 24 तासांत एटीएममध्ये जावे लागेल
आयव्हीआर तुम्हाला तुमच्या एटीएम कार्डच्या शेवटच्या पाच क्रमांकाची नोंद करण्यास सांगेल. आपल्या खाते क्रमांकाचे शेवटचे पाच अंक प्रविष्ट करा. जर आपण सर्व माहिती योग्यरित्या प्रविष्ट केली असेल तर पुढील चरणात आपल्याला आपली जन्मतारीख सांगावी लागेल. आपला ग्रीन पिन जनरेट केला जाईल आणि आपल्या मोबाईल नंबरवर मेसेज मिळेल. पिन बदलण्यासाठी आपल्याला जवळच्या कोणत्याही एटीएमवर 24 तसांच्या आत जावे लागेल. अशी प्रक्रिया पूर्ण करुन आपण घरबसल्या डेबिट कार्डाचा एटीएम पिन सेट करू शकाल. याचा मोठ्या प्रमाणावर ग्राहकांना फायदा होऊ शकतो, असे सांगण्यात आले आहे.