आर्थिकताज्या बातम्यामहत्वाच्या बातम्या

SBI खातेधारकांसाठी खुशखबर ! ‘या’ फायद्यासाठी नाही करावी लागणार 1 वर्षाची प्रतीक्षा

sbi file photo

नवी दिल्ली, वृत्तसंस्था : स्टेट बँक ऑफ इंडियाने (एसबीआय) खातेधारकांना मोठा दिलासा दिला आहे. आता बँक दर 6 महिन्यांनी व्याज दराचा आढावा घेईल. यापूर्वी ही वेळ 1 वर्षाची होती. एसबीआयने ट्विट केले की, ‘एक वर्षाची वाट न पाहता व्याज दर कपातीचा फायदा घ्या. एसबीआयने एमसीएलआर रीसेट फ्रीक्वेंसीला 1 वर्षांपासून कमी करत 6 महिन्यांपर्यंत केले आहे.

या निर्णयाचा थेट फायदा गृहकर्ज, वाहन कर्ज आणि एसबीआयची वैयक्तिक कर्ज घेणार्‍या ग्राहकांना होणार आहे. नवीन नियम तातडीने अंमलात आणला गेला आहे. हे माहित असावे की सर्व बँका दरवर्षी एमसीएलआरचा आढावा घेतात. यामुळे जरी कमी व्याज दर असले तरी ग्राहकांना त्याचा फायदा घेण्यासाठी वर्षभर प्रतीक्षा करावी लागते.

सध्या गृहकर्जासाठी एसबीआयचा एक वर्षाचा एमसीएलआर 7% आहे, तर सहा महिन्यांसाठी तो 6.95% आहे. एसबीआयने जुलैमध्ये क्रेडिट ऑफ टेक अँड रिवाइज डिमांडला प्रोत्साहन देण्यासाठी आपल्या अल्पावधीच्या एमसीएलआर दरात कपात करण्याची घोषणा केली आहे. जर आपले फ्लोटिंग रेट होम लोन एमसीएलआरशी जोडलेले असतील तर आपल्याकडे रीसेट क्लॉज असेल आणि त्याच तारखेपासून नवीन दर लागू होतील. बॅंक पुरेसे रोख दर्शवित त्यांच्या कर्जाचे दर कमी करत आहेत.

उल्लेखनीय म्हणजे मालमत्ता, ठेवी, शाखा, ग्राहक आणि कर्मचार्‍यांच्या बाबतीत स्टेट बँक ऑफ इंडिया ही देशातील सर्वात मोठी कमर्शियल बँक आहे. तसेच देशातील सर्वात मोठी कर्ज देणारी बँक देखील आहे. एसबीआयचा दावा आहे की त्यांना गृह कर्जात 34% आणि वाहन कर्जात 33% मार्केट शेअर मिळतो. त्यांचे देशभरात 58,000 हून अधिक एटीएम / सीडीएम नेटवर्क आहेत आणि भारतात 22,000 पेक्षा जास्त बँक शाखांचे सर्वात मोठे नेटवर्क आहे.