SBI च्या ATM मधून पैसे काढण्याचा नियम बदलला, आता OTP ची आवश्यकता, जाणून घ्या याबद्दल सर्वकाही

नवी दिल्ली : वृत्तसंस्था – देशातील सर्वात मोठी बँक म्हणजेच स्टेट बँक ऑफ इंडिया (SBI) आपल्या ग्राहकांना रात्रीच्या वेळी एटीएम फसवणूक टाळण्यासाठी ओटीपी आधारित एटीएम पैसे काढण्याची सुविधा देते. एसबीआयची ही सुविधा 1 जानेवारी 2020 पासून लागू करण्यात आली असून त्याअंतर्गत रात्री 8 ते सकाळी 8 या दरम्यान एसबीआयच्या एटीएममधून रक्कम काढताना ओटीपी आवश्यक असतो. ही सुविधा सुरू झाल्यावर एसबीआयने आपल्या ग्राहकांना याबाबत माहिती दिली होती. एसबीआयने पुन्हा फसवणूक टाळण्यासाठी ग्राहकांना या सुविधेबद्दल माहिती दिली आहे.

10 हजार रुपयांहून अधिक रक्कम काढण्यासाठी ओटीपीची आवश्यक
एसबीआयच्या या ओटीपी बेस्ट व्हिड्रॉल सुविधेअंतर्गत कोणताही एसबीआय ग्राहक रात्री 8 ते सकाळी 8 या वेळेत 10,000 रुपये किंवा त्याहून अधिक रोख रक्कम काढत असेल तर त्यांच्यासाठी ओटीपी आवश्यक असेल. ओटीपीशिवाय ते 10 हजार किंवा त्याहून अधिक पैसे काढू शकत नाहीत.

ही सुविधा केवळ एसबीआय एटीएमवर उपलब्ध असेल
एसबीआयने म्हटले आहे की, ही सुविधा केवळ स्टेट बँक ऑफ इंडियाच्या एटीएमवर उपलब्ध असेल. तथापि, एसबीआयने असेही म्हटले आहे की, जर एसबीआय ग्राहक दुसर्‍या बँकेच्या एटीएममधून रक्कम काढून घेत असेल तर त्यांना ओटीपी पाठवले जाणार नाही, कारण हे वैशिष्ट्य नॅशनल फायनान्शिअल स्विच अर्थात एनएफएसमध्ये विकसित केलेले नाही. एनएफएस हे देशातील सर्वात मोठे इंटरटॉपटेबल एटीएम नेटवर्क आहे.

शुक्रवारी एका ट्विटमध्ये एसबीआयने लिहिले आहे की, ‘1 जानेवारी 2020 पासून ओटीपी आधारित रोख रक्कम काढण्याची प्रणाली लागू केली गेली आहे. आपण रात्री 8 ते सकाळी 8 या वेळेत या एटीएममधून रक्कम काढल्यास आपण या सुविधेअंतर्गत संभाव्य फसवणूकीपासून वाचू शकता.’

एसबीआयची ही सुविधा कसे कार्य करेल?

1. एसबी एटीएममधून पैसे काढण्यासाठी ग्राहकांना पिन क्रमांकासह ओटीपी द्यावा लागेल. हा ओटीपी त्यांच्यामार्फत एसबीआयकडे नोंदणीकृत मोबाइल क्रमांकावर पाठविला जाईल.

2. एसबीआयची ओटीपी आधारित एटीएम पैसे काढण्याची सुविधा केवळ 10 हजार रुपयांहून अधिक रक्कम काढल्यास उपलब्ध होईल.

3. एसबीआयने ही सुविधा सुरू केली आहे जेणेकरून एसबीआय डेबिट कार्ड धारकांना कोणत्याही संभाव्य स्किमिंग किंवा कार्ड क्लोनिंगपासून संरक्षण मिळू शकेल. अशा प्रकारे, ते फसवणूकीपासून वाचू शकतील.

4. तथापि, एसबीआयने हे देखील स्पष्ट केले आहे की, ही सुविधा केवळ एसबीआय एटीएमवर उपलब्ध असेल.

पोलीसनामा न्युज आता टेलीग्रामवर... आमचं चॅनेल (@policenamanews) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
WhatsAPP
You might also like