पोलीसनामा ऑनलाइन टीम – दिल्लीतील निजामुद्दीन परिसरातील मरकज येथे तबलिगी समाजाने भरविण्यात आलेल्या कार्यक्रमावरून देशात वादंग माजला होता. त्या प्रकरणाचा तपास आता आयकर विभागाने सुरु केला आहे. आयकर विभागाने याबाबतीत गुन्हे शाखेकडून काही कागदपत्रे मागवली होती. त्या संबंधित बँक खाती आणि पैशांच्या व्यवहाराची संपूर्ण माहिती गुन्हे शाखेने आयकर विभागाकडे दिली आहे.
आयकर विभागाच्या वतीने निजामुद्दीन तबलिगी मरकज प्रकरणाचा तपास सुरु झाला आहे. आयकर विभागाने गुन्हे शाखेमार्फत काही कागदपत्रे मागितली होती. बँक खाती आणि पैशाच्या व्यवहारांची संपूर्ण माहिती गुन्हे शाखेने आयकर विभागाकडे सुपूर्द केली आहे. दिल्ली पोलीस आणि अंमलबजावणी संचालनालय (ED) व्यतिरिक्त आयकर विभाग ही तिसरी संस्था बनली आहे, ज्याने मरकज प्रकरणाची चौकशी सुरु केली आहे. तसंच आतापर्यंत मौलाना साद आणि मरकज संबंधित लोकांची ३२ बँक खाती समोर आल्याची माहिती कळतं आहे.
याबाबत गुन्हे शाखेच्या एका वरिष्ठ अधिकाऱ्याने सांगितलं की, गुन्हे शाखेने सीबीआय, ईडी आणि आयकर विभागाला कळविले होते. तसंच ईडीने याआधीच या प्रकरणात नोंदवून तपास सुरु केला आहे. मौलाना मोहम्मद साद आणि त्याच्या साथीदारांची उत्तर प्रदेशात काही बँक खाती सापडली आहे. या बँक खात्यांची संख्या ७ ते ८ असल्याचं सांगितलं जातं. ही बँक खाती देखील सील करण्यात आल्याची माहिती उत्तर प्रदेशात मिळाली.
तर गुन्हे शाखेच्या तपासणीमध्ये मरकज आणि त्याच्या साथीदारांची ३२ बँक सापडली आहे. मरकजचे मुख्य खाते लाल कुआन (जुनी दिल्ली) मधील बँक ऑफ बडोदा शाखेत आहे. या बँक खात्यामधून मरजकजकडे दररोज आर्थिक व्यवहार होत असत. या खात्यातून दररोज पैसे काढले आणि जमा केले जात.
झाकीर नगर मधून कागदपत्रे जप्त
गुन्हे शाखेने जामिया नगरच्या झाकीर नगर येथून मरकज मॅनेजमेंट संबंधित व्यतीच्या घरावरती छापा टाकला होता. सदरील व्यक्तीच्या घरातून आर्थिक व्यवहारांशी संबंधित काही कागदपत्रे जप्त करण्यात आलेली आहे. झाकीर नगरमध्ये चौकशी झाल्यानंतर मौलाना साद याच्या मुलाची चौकशी करण्यात आली. तसेच सूत्रांनी दिलेल्या माहितीनुसार, झाकीर नगरमध्ये राहणारी ही व्यक्ती जमातीसाठी ये-जा करण्याची व्यवस्था करत असे. दरम्यान, असे किती लोक अजूनही लपून बसलेले आहेत याचा शोध पोलीस घेत आहे.