Seat Belt – Airbags | भारतात 10 पैकी 7 लोक करतात ही चूक, जाणून घ्या – सीट बेल्टचे एअरबॅगशी काय आहे कनेक्शन?

नवी दिल्ली : Seat Belt – Airbags | भारतातील 10 पैकी 7 प्रवासी वाहनाच्या मागील सीटवर बसताना कधीही सीट बेल्ट (Seat Belt) लावत नाहीत. लोकलसर्कलने केलेल्या पाहणीत ही माहिती समोर आली आहे. सर्वेक्षणात 10,000 हून अधिक लोकांना सीट बेल्ट घालण्याबाबत प्रश्न विचारण्यात आला. यापैकी 26 टक्के लोकांनी मागच्या सीटवर बसून प्रवास करताना नेहमी सीट बेल्ट लावल्याचे सांगितले. त्याच वेळी, 4 टक्के लोकांनी सांगितले की ते कधीही मागील सीटवर प्रवास करत नाहीत. सर्वेक्षणात सहभागी झालेल्या 70 टक्के लोकांनी प्रवासादरम्यान कधीही मागच्या सीटवर सीट बेल्ट लावत नसल्याचे मान्य केले. (Seat Belt – Airbags)

सायरस मिस्त्री यांनी लावला नव्हता सीट बेल्ट

टाटा सन्स (Tata Sons) चे माजी चेअरमन सायरस मिस्त्री (Cyrus Mistry) यांचा रविवारी कार अपघातात मृत्यू झाला. त्यांनी सीट बेल्ट बांधला नसल्याचे तपासात उघड झाले आहे. सायरस मिस्त्री कारच्या मागच्या सीटवर बसून प्रवास करत होते. त्यांच्यासोबत गाडीच्या पुढच्या सीटवर बसलेल्या ड्रायव्हरसह दोघांनी सीट बेल्ट लावले होते. या अपघातात त्यांचा जीव थोडक्यात बचावला. त्याचवेळी सायरस मिस्त्री यांच्यासोबत मागच्या सीटवर बसलेल्या जहांगीर पंडोल यांना आपला जीव गमवावा लागला. दोघांनी सीट बेल्ट लावला नव्हता. (Seat Belt – Airbags)

बेसिक सेफ्टी फिचर आहे सीट बेल्ट

सीट बेल्ट हे कार सेप्टीच्या बेसिक फिचरपैकी एक आहे. अनेक देशांमध्ये, ड्रायव्हर आणि सर्व प्रवाशांना सीट बेल्ट लावणे आवश्यक आहे. यासाठी कायदे करण्यात आले आहेत. या एअरबॅगचे डिझाईन बकल्ड पॅसेंजरच्या सुरक्षिततेसाठी करण्यात आले आहे. म्हणजे एअरबॅग फक्त सीट बेल्ट लावणार्‍यांचेच संरक्षण करते. एअरबॅगची रचना त्याच पद्धतीने केली आहे. ते सीट बेल्ट नसलेल्या लोकांना सुरक्षा प्रदान करत नाही.

सीट बेल्ट बांधणे का आवश्यक?

सीटबेल्ट आणि एअरबॅग एकत्र काम करतात. भारतातील बहुतेक कार ट्विन एअरबॅग्ज आणि सर्व सीटवर सीटबेल्टसह येतात. अपघाताच्या वेळी जीव वाचवण्यासाठी सीटबेल्ट आणि एअरबॅग एकत्र काम करतात. सीट बेल्ट लावला नसतानाही एअरबॅग काम करतात. पण कारमध्ये जिथे जिथे एअरबॅग असतात तिथे SRS लिहिलेले असते. याचा अर्थ Supplementary Restraining System. सोप्या शब्दात, याचा अर्थ असा आहे की कारमधील ते एकमेव जीवन वाचवणारे उपकरण नाही. म्हणूनच तुम्हाला सीट बेल्ट देखील बांधणे आवश्यक आहे.

कसे काम करतात सीट बेल्ट आणि एअरबॅग?

एअरबॅग अनेक सेन्सर्सद्वारे नियंत्रित होते. जसे की इम्पॅक्ट सेन्सर, प्रेशर सेन्सर, ब्रेक प्रेशर सेन्सर.
त्यामुळे सीट बेल्ट आणि एअरबॅगमध्ये इलेक्ट्रॉनिक कनेक्शन नसते.
पण एअरबॅग अपघाताच्या वेळी तुमची छाती, चेहरा आणि डोके सुरक्षित ठेवते.
त्याच वेळी, सीट बेल्ट तुम्हाला जोरदार धक्का बसूनही तुमचे शरीर सीटवर स्थिर ठेवण्यास मदत करते.
त्यामुळे अपघात झाल्यास ते शरीराची गती रोखते आणि तुम्ही गाडीतून खाली पडत नाही.
अशावेळी तुमच्या समोर असलेली एअरबॅग उघडते आणि तुमच्या डोक्याचे, चेहर्‍याचे संरक्षण करते.

Web Title :- Seat Belt – Airbags | 7 out of 10 indians never wear seat belt when travelling in the rear seat how seat belt and airbags work during accident

Join our WhatsApp GroupTelegramfacebook page and Twitter for every update

 

हे देखील वाचा

Parbhani MNS | धक्कादायक ! परभणीत मनसे शहराध्यक्षाचा सपासप वार करुन खून, शहरात खळबळ

Health Problems Symptoms | सकाळी उठण्याची इच्छा होत नाही, खुप आळस येतो का? मग तुमच्या आरोग्यासाठी व्हा अलर्ट

Pune Crime | डंपरच्या धडकेत शाळकरी मुलीचा मृत्यु; लोहगावातील पठारेवस्तीतील घटना