पिंपरी चिंचवड : पोलिसनामा ऑनलाइन – देशातील दुसऱ्या क्रमांकाच्या सर्वात उंच ध्वजस्तंभावर येत्या स्वातंत्र्यदिनाला ध्वज फडकण्याची शक्यता जवळपास मावळली आहे. पिंपरी चिंचवडमधील हा ध्वज फडकवण्यासाठी ठेकेदाराला काम दिले नसल्यामुळे पालिकेने कोट्यवधी रुपये खर्च करून उभारलेल्या १०७ मीटर उंचीच्या ध्वजस्तंभावर झेंडा कधी फडकवणार असा प्रश्न सध्या सर्वसामान्य नागरिकांना पडला आहे.
भक्ती-शक्ती समूह शिल्प चौकातील उद्यानात हा ध्वजस्तंभ उभारण्यात आला आहे. केंद्रीय गृहमंत्रालयाकडे वारंवार पाठपुरावा केल्यानंतर पालिकेला हा ध्वज फडकाविण्यासाठी मान्यता मिळाली. गतवर्षी २६ जानेवारी २०१८ रोजी याचे उद्घाटन पालिकेत सत्ताधारी भारतीय जनता पक्षाच्या प्रमुख पदाधिकाऱ्यांच्या हस्ते मोठा गाजावाजा करून करण्यात आले होते.
या उंच ध्वजस्तंभामुळे शहराच्या शिरपेचात एक मानाचा तुरा खोवला गेल्याची भावना शहरवासियांमध्ये होती. हा ध्वज पाहण्यासाठी या ठिकाणी नागरिकांची मोठी गर्दी येथे होत होती. त्यानंतर गेल्या दीड वर्षांत बोटावर मोजण्याइतकेच दिवस याठिकाणी ध्वज फडकल्याचे समोर येत आहे. साडेतीन महिन्यापूर्वी १ मे रोजी आणि त्यापूर्वी २६ जानेवारीला येथे ध्वज फडकविण्यात आला होता. मात्र बऱ्याच वेळा ध्वजाचे कापड फाटल्यामुळे ध्वज काढावा लागला होता.
इतर शहरामध्ये जसे सार्वजनिक ध्वज आहेत त्याप्रमाणे ध्वज आपल्याही शहरात असावे म्हणून पालिकेने मोठा खर्च करून या ध्वजाची उभारणी केली मात्र कित्येक दिवस ध्वज नागरिकांना न दिसल्यामुळे शहरवासियांमध्ये मोठी निराशा आहे. त्यामुळे येत्या स्वातंत्र्यदिनी तरी येथे ध्वज फडकणार कि नाही याकडे सर्व नागरिकांचे लक्ष लागून आहे.
- घशाचे इन्फेक्शन एका झटक्यात दूर करतील ‘हे’ उपाय, अवश्य करून पहा
- थंड वातावरणात रोगांचा सामना करण्यासाठी ‘हे’ ५ आयुर्वेदिक उपाय आवश्य करा
- गोड खायला खुप आवडते का ? ‘या’ ५ गोष्टींकडे चुकूनही करु नका दुर्लक्ष
- दुपारी झोपता का ? होऊ शकतात ‘हे’ ४ दुष्परिणाम, वेळीच ही सवय सोडून द्या
- फक्त लिंबू पाण्याने मिळत नाही पुर्ण फायदे, ‘हा’ पदार्थ फक्त चिमूटभर टाका
- ‘ब्रेस्ट इंप्लांट’ सर्जरीबद्दल या गोष्टी तुम्हाला माहित आहेत का ?
- लिव्हरच्या प्रत्येक समस्येपासून सुटका देईल ‘हा’ घरगुती उपाय
- औषधी गुणांनी भरपूर आहे ‘लेमन ग्रास टी’, रोगांचा धोका होतो दूर
- प्रिमॅच्युअर बेबीला होऊ शकतात ‘या’ समस्या, वेळीच काळजी घेणे गरजेचे
- तिळाच्या तेलात आहे जादू, चमकदार होईल चेहरा, जरूर करा ‘हा’ उपाय