इस्लामिक ‘कायद्या’ची भीती तरीही ‘सिक्रेट’ मार्गानं ‘प्रेम’ शोधतायत ‘सौदी’च्या महिला
नवी दिल्ली : वृत्तसंस्था – १४ फेब्रुवारीला व्हॅलेंटाईन डे आहे. जगभरातील तरुण आपले प्रेम व्यक्त करत असतात परंतु सौदी अरेबियामध्ये जाहीरपणे प्रेम व्यक्त करण्यावर निर्बंध आहेत. येथे उघडपणे प्रेम व्यक्त करणे हे नियमांच्या विरोधात आहे. वास्तविक पाहता सौदी अरेबियामध्ये इस्लामिक कायदा लागू आहे. या कारणामुळे जर आपण उघडपणे प्रेम व्यक्त केले गेले तर तुरूंगाची हवा खावी लागते किंवा कडक शिक्षेस सामोरे जावे लागते. पण इथे समाजात एक मोठा बदल दिसत आहे.
सौदी अरेबियाच्या तरूण स्त्रिया गपचूप वेगवेगळ्या मार्गांनी आपल्यासाठी प्रेम शोधत आहेत. यासाठी ते सोशल मीडिया अॅप्सचा सहारा घेत आहेत. काही ट्विटरच्या माध्यमातून प्रेमाचा शोध घेत आहेत तर काही स्नॅपचॅटद्वारे प्रेमाचा शोध घेत आहेत.
एका वृत्तपत्राने आपल्या अहवालात असा दावा केला आहे की तरुण मुलं आपल्या कारच्या काचांवर आपला नंबर चिटकवत आहेत. कारण एखाद्या महिलेला तो आवडला तर ती त्याला कॉल करू शकेल. या निमित्ताने ते व्हॅलेंटाईन डे साजरा करू शकतील.
तरुणी देखील सोशल मिडियाच्या माध्यमातून आपला व्हॅलेंटाईन शोधत आहेत. सौदी अरेबियामध्ये लग्नाआधी शारीरिक संबंध अथवा अन्य प्रकारच्या रिलेशनशिपवर सक्त मनाई आहे. जर कुणी रिलेशनशिप मध्ये आढळले तर त्या प्रेमी युगुलास मृत्यूची शिक्षा देखील होऊ शकते.
सौदी अरेबियामध्ये चोरून तरुण-तरुणी आपले प्रेम व्यक्त करीत आहेत. आपल्यासाठी जोडीदार शोधत आहेत. यामध्ये महिलांचे देखील प्रमाण आहे. एक युवा सौदी फिल्ममेकर ने सांगितले की, सौदीमध्ये खुलेआम लाल गुलाब विकणे हे ड्रग्स विकण्यासारखेच आहे.
२७ वर्षाची समाइरा सांगते की तिला त्या वेळेस खूप वाईट वाटले जेव्हा तिने आपल्या बॉयफ्रेंडला एका हाताने बनवलेले कार्ड दिले आणि त्याच्या आईने तिला अनेक प्रश्न विचारले.
समाइरा ने सांगितले की, बॉयफ्रेंडने आईला समजावले, पण या कपलच्या मनात हा प्रश्न घर करून गेला की आता त्यांच्या नात्याचे काय होईल कारण दोघांना डेटिंग करण्यास एक महिनाच झाला होता.
सौदी अरेबियाचा राजकुमार मोहम्मद बिन सलमानने नुकताच सोशल मीडियावर काहीशा प्रमाणात दिलासा दिला होता. मात्र, त्याच्या या निर्णयाबद्दल सौदी अरेबियाच्या उलेमांनी विरोध दर्शविला होता. तेव्हापासून सोशल मीडिया प्लॅटफॉर्मवर सौदी अरेबियन तरुणांना आपल्यासाठी प्रेम शोधणे सोपे झाले होते. सोशल मीडियामुळे खूप सारे डेटिंग अॅप आले. लोक यावरून एक दुसऱ्याला भेटत आहेत.
सामाजिक उन्नतीसाठी काम करणाऱ्या नूर ने म्हटले की, सौदी अरेबियामधील तरुण अजूनही जुन्या आणि नवीन धोरणांबाबत दुविधा मनस्थितीत आहेत. पण तरूणींनी आपले निर्णय वेगाने घेणे सुरू केले आहे. महिला स्वत: प्रियकर शोधत आहेत.
नूर म्हणतात की डेटवर जाण्याचा अर्थ असा नाही की आपण एक वाईट चरित्राचे आहात. लग्नाआधी कोणत्याही प्रकारचे संबंध ठेवले तर सौदी अरेबियामध्ये कठोर शिक्षा केली जाते. तसेच ब्लॅकमेलचा धोका देखील आहे. म्हणूनच तरुण स्त्रियांमध्ये डेटिंगबद्दल अजूनही दुविधा आहे पण ते त्यांच्या प्रियकराचा शोध घेत आहेत.