×
Homeताज्या बातम्याखळबळजनक खुलासा ! मौलाना साद 2000 कोटीचा मालक, घरात असताना झाले फरार,...

खळबळजनक खुलासा ! मौलाना साद 2000 कोटीचा मालक, घरात असताना झाले फरार, पोलिस अद्याप अटक करू शकलेली नाही

नवी दिल्ली,: जागतिक महामारी कोरोनामुळे देशाला मोठ्या संकटात आणणार्‍या तबलीगी जमातचे प्रमुख मौलाना मुहम्मद साद यांनी प्रचंड संपत्ती निर्माण केली आहे. माहितीनुसार त्यांनी दोन हजार कोटींपेक्षा जास्त मालमत्ता संपादन केली आहे. मात्र, 27 दिवसांनंतरही त्याच्या अटकेबाबत संशयास्पद परिस्थिती आहे. पोलिस आयुक्तांपासून ते वरिष्ठ अधिकार्‍यांपर्यंत सर्वजण मौन बाळगून आहेत. अशा परिस्थितीत गृह मंत्रालयाकडून सूचना मिळाल्यानंतरच पोलिस साद आणि मरकज व्यवस्थापनाशी संबंधित इतर मौलानांच्या अटकेसंदर्भात कोणती तरी ठोस पावले उचलतील असा विश्वास आहे.

काही वर्षांत जमा केली अतुलनीय संपत्ती

माहितीनुसार, काकांच्या निधनानंतर मरकजची गादी ताब्यात घेताच सादने काही वर्षांत अफाट संपत्ती मिळविली. अंमलबजावणी संचालनालयाने (ईडी) खटला दाखल करून एक आठवडा उलटला आहे, परंतु अद्याप याबाबत अधिकृत निवेदन आले नाही. गुन्हे शाखा आणि ईडीने बाळगलेल्या मौनबाबत अनेक प्रश्न निर्माण झाले आहेत.

मौलाना साद जाकीर नगरमध्ये क्वारंटाइन!

सर्वात मोठा प्रश्न सादच्या उपस्थितीचा आहे. त्याचे वकील व्हिडिओ व्हायरल करून दावा करत आहे की मौलाना साद झाकीर नगरमध्ये क्वारंटाइन आहेत. जर हे सत्य असेल तर गुन्हे शाखा त्याला अटक का करत नाही. याउलट, ती उत्तर प्रदेशमधील शामली येथील फार्म हाऊस आणि निजामुद्दीनमधील मरकज येथे छापा टाकत आहे. असेही बोलले जात आहे की, साद यांच्या अटकेवर दंगा होण्याची शक्यता असल्याने सरकार कोणतीही कार्यवाही करीत नाही. कोरोनाविरूद्धच्या लढाईदरम्यान, त्यांंना आणखी एका मोर्चाला सामोरे जाण्याची इच्छा नाही. दरम्यान, शनिवारी एका वरिष्ठ पोलिस अधिकाऱ्याने मरकजसंदर्भात वरिष्ठ सुरक्षा अधिकाऱ्याशी गोपनीय चर्चा केली असल्याचे समजते.

साद यांच्या वकिलांचा दावा, कोरोना चाचणी अहवाल नकारात्मक

माहितीनुसार, सादच्या वकिलांनी एका टीव्ही चॅनेलला सांगितले आहे की पोलिसांच्या सांगण्यावरून सादने कोरोना चाचणी केली आहे. हा अहवाल निगेटिव्ह आला, जो पोलिसांना सादर करण्यात आला आहे. मनी लॉन्ड्रिंगच्या आरोपावर वकील म्हणतात की, मरकज कोणाकडूनही आर्थिक मदत व देणगी घेत नाही. लोक येथे विनामूल्य येतात आणि ये-जा करण्याचा खर्च स्वतः करतात. वकिलांनी ईडीची नोटीस मिळल्याबाबतही नकार दिला. मात्र, वकिलाच्या दाव्यावर प्रश्न उपस्थित होत आहेत. देणगी व आर्थिक मदत घेतली नसती तर निजामुद्दीनमध्ये असलेल्या बँक ऑफ इंडियामधील मरकजच्या खात्यात रोज कोठून पैसे जमा होत होते? बँक व्यवस्थापक रवींद्र यांना याची दखल का घ्यावी लागली आणि त्यांच्या केअर टेलर जावेदला साद यांना बँकेत घेऊन येण्यासाठी सांगितले. गुन्हे शाखेचे अधिकारी कोरोना चाचणी अहवालाचा प्रश्न फेटाळून लावत आहेत, परंतु इतर विषयांवर गप्प आहेत.

Must Read
Related News