आदर पूनावाला म्हणाले – सरकारला 200 रुपयांना आणि जनतेला 1000 रुपयांना मिळेल ऑक्सफोर्डची लस
serum institute नवी दिल्ली : वृत्तसंस्था – कोरोना व्हायरस लसांच्या दराबाबत दीर्घकाळापासून संशयाची स्थिती होती. परंतु रविवारी सीरम इन्स्टिट्यूट ऑफ इंडियाचे मुख्य कार्यकारी अधिकारी अदार पूनावाला यांनी या लसीच्या किंमतीबद्दल भाष्य केले आहे. त्यांनी सांगितले की, ऑक्सफोर्ड लस सरकारला 200 रुपयांना दिली जाईल. त्याचबरोबर जनतेला ही लस 1 हजार रुपयांना मिळणार आहे. पुणे येथील सीरम इन्स्टिट्यूटमध्ये ऑक्सफोर्ट- अ‍ॅस्ट्राजेनेकाची लस कोविशील्डची निर्मिती केली जात आहे. विशेष म्हणजे, ड्रग कंट्रोलर जनरल ऑफ इंडियाने रविवारी कोविशील्डला आपत्कालीन वापरासाठी परवानगी दिली आहे. भारतात लवकरच वॅक्सीन प्रोग्रॅम सुरू होईल. सरकारने यासाठी तयारीही केली आहे. शनिवारी देशातील सर्व राज्ये आणि केंद्रशासित प्रदेशांमध्ये ड्राय रन करण्यात आली. भारत सरकार व्यतिरिक्त युरोपियन युनियन देखील लस उत्पादकांना मदत करण्यासाठी पुढे आली आहे. युरोपियन युनियनने लस उत्पादन वाढविण्यात आणि वितरण सुलभ करण्यास मदत केली आहे.
जगातील सर्वात मोठी लस उत्पादक सीरम इन्स्टिट्यूटने म्हटले की, ते दरमहा ऑक्सफोर्ट- अ‍ॅस्ट्राजेनेकाचे 50-60 दशलक्ष डोस तयार करीत आहेत. फायझर-बायोटेकपेक्षा ही लस स्वस्त आहे आणि वाहतूकही सोपी आहे, असेही कंपनीने म्हटले आहे. हे विशेष आहे की, 2021 च्या मध्यापर्यंत भारताने 130 कोटीहून अधिक लोकांना लसी देण्याचे लक्ष्य ठेवले आहे.
सरकारच्या निर्णयाच्या प्रतीक्षेत
कंपनीचे मुख्य कार्यकारी अधिकारी अदार पूनावाला म्हणाले की, लस 40-50 दशलक्ष डोस लागू करण्यास तयार आहेत. ते म्हणाले की आम्ही सरकारबरोबर कॉन्ट्रॅक्ट साइन करण्याच्या प्रतीक्षेत आहोत. ही लस 7-10 दिवसात उपलब्ध होईल. ते म्हणाले की, सरकारने अद्याप आम्हाला लस निर्यात करण्यास परवानगी दिली नाही. तर सौदी अरेबिया आणि इतर काही देशांशी द्विपक्षीय संबंध आहेत. आम्ही सरकारला पुढील काही आठवड्यांत परवानगी देण्यास सांगू, जेणेकरुन आम्ही ही लस इतर 68 देशांपर्यंत पोहोचवू शकू.