जळगाव : पोलीसनामा ऑनलाईन – उपशिक्षक असलेल्या सूर्यकांत ठाकूर यांच्यावर चाळीसगावातील मुलीला अश्लिल व्हिडीओ क्लिप दाखवून तिच्या मनाला लज्जा निर्माण होईल असे कृत्य केल्या प्रकरणी चाळीसगाव ग्रामीण पोलीस ठाण्यात गुन्हा दाखल झाला आहे. मात्र अन्य एक शिक्षकाला पाठीशी घालण्यात आल्याने नागरिकांकडून संताप व्यक्त केला जात आहे. सरपंच विलास चौधरी यांनी अशा आणखी घटना शाळेत घडल्या असल्याची शक्यता व्यक्त करत नागरिकांनी पोलिसात तक्रार देण्यासाठी पुढे येण्याचे आवाहन केले आहे.
हा प्रकार दडपण्याचा प्रयत्न सुरू आहे. असे प्रकार करून पुन्हा शिक्षक दादागिरीची भाषा वापरत असल्याने २०० पेक्षा अधिक लोकांचा जमाव शाळेवर चालून गेला होता. शिक्षक असते तर त्यांना लोकांनी मारलेदेखील असते. हा प्रकार पोलीस पाटील रहाटे यांनी पोलिसांना कळविला. पोलीस घटनास्थळी पोहचले आणि शिक्षकी पेशाला काळीमा फासणाऱ्या सूर्यकांत ठाकूर या शिक्षकावर मुलीचे पोलीस ठाण्यात जाबजवाब नोंदवल्यानंतर चाळीसगाव ग्रामीण पोलीस ठाण्यात गुन्हा दाखल करण्यात आला.
जाहीरात
