‘आम्ही कैफी आझमी यांची मुलगी शबाना आझमी आणि त्यांचे पती जावेद अख्तर यांना कार्यक्रमासाठी निमंत्रित केलं आहे. त्यांच्यासहित या कार्यक्रमासाठी भारतातील काही महत्त्वाच्या व्यक्तींनाही निमंत्रित केले आहे. असे आर्ट्स काऊन्सिलच्या एका पदाधिकाऱ्याने सांगितले. त्यांनी दिलेल्या माहितीनुसार, या कार्यक्रमात शबाना आझमी आणि जावेद अख्तर यांनी पाकिस्तानात येण्याची तयारी दर्शवली आहे. यावेळी शबाना आझमी आणि जावेद अख्तर उपस्थितांना संबोधितही करणार आहेत.
‘ही खूप मोठी संधी आहे. भारतातील प्रसिद्ध लेखक, कवी आणि कलाकार येऊन पाकिस्तानमधील लोकांशी संवाद साधणार असून हा कार्यक्रम यशस्वी होणार याची आम्हाला खात्री आहे’, असं काऊन्सिलचे सचिव प्रोफेसर एजाज फारुखी यांनी सांगितलं आहे. हा कार्यक्रम २३ आणि २४ फेब्रुवारीला पार पडणार आहे.