पोलीसनामा ऑनलाईन : अभिनेता शाहिद कपूरने( Shahid Kapoor) आपल्या फिल्मी करिअरमध्ये बर्‍याच भूमिका साकारल्या आहेत. कबीर सिंह पासून पद्मावतच्या रतन सिंहपर्यंत, अभिनेत्याने आपल्या अभिनयाने नेहमीच प्रभावित केले आहे. आता बातमी समोर येत आहे की शाहिद कपूर पुन्हा एकदा एक मोठा प्रयोग करणार आहे. त्याने रंग दे बसंतीचे दिग्दर्शक राकेश ओमप्रकाश मेहरा यांच्याशी हातमिळवणी केली आहे.
अशी बातमी समोर येत आहे की, महाभारतच्या पात्रातील सूर्यपुत्र कर्णावर राकेश यांना चित्रपट बनवायचा आहे. कर्णाच्या दृष्टीकोनातून त्यांना महाभारताची कहाणी सांगायची आहे. आता त्या विशिष्ट प्रोजेक्टसाठी त्यांनी शाहिद कपूरशी बोलणी केली आहे. शाहिद कपूरने त्यांच्या चित्रपटात कर्णाची भूमिका साकारली पाहिजे अशी त्यांची इच्छा आहे. एका वृत्तानुसार हा राकेश ओमप्रकाश मेहराचा ड्रीम प्रोजेक्ट आहे आणि त्यांना बऱ्याच दिवसांपासून यावर चित्रपट बनवायचा होता.
या मेगा बजेट चित्रपटासाठी दिग्दर्शकाला निर्माता मिळाल्याचीही बातमी आहे, तर शाहिदनेही या भूमिकेस सहमती दर्शविली आहे, यामुळे चित्रपटाचे शूटिंग वर्षाच्या अखेरीस सुरू होऊ शकेल असे म्हटले जात आहे. शाहिद कपूरबद्दल चर्चा केली तर, आता तो आपल्या जर्सी चित्रपटाच्या शूटिंगमध्ये व्यस्त आहे. क्रिकेटरच्या जीवनावर तयार होणार्‍या या चित्रपटासाठी शाहिद खूप परिश्रम घेत आहे.
सोशल मीडियावर त्याचे असे अनेक व्हिडिओ व्हायरल झाले आहेत, ज्यांना पाहून चाहत्यांना पूर्ण विश्वास आहे की शाहिद पुन्हा एकदा मोठे सरप्राईज देण्यास सज्ज आहे. यावर्षी हा चित्रपट प्रदर्शित होऊ शकतो. तसेच याआधी शाहिद कबीर सिंह या चित्रपटात दिसला होता. हा चित्रपट अभिनेत्याच्या कारकिर्दीतील सर्वात मोठा ब्लॉकबस्टर असल्याचे सिद्ध झाले आणि त्याच्या कारकिर्दीला एक नवीन वळण देखील मिळाले.