बहिणी शिल्पाच्या लग्नासाठी शमितानं घेतला होता मोठा निर्णय, जाणून घेतल्यावर चाहत्यांना ही वाटेल ‘आश्चर्य’
मुंबई : पोलीसनामा ऑनलाइन – बॉलिवूड अभिनेत्री शमिता शेट्टी आपला वाढदिवस 2 फेब्रुवारीला साजरी करते. शमिता शेट्टी अभिनेत्री शिल्पा शेट्टीची बहीण आहे. शमिताचा जन्म मंगरुरू येथे झाला. शमिताने तिचे शिक्षण सेंट अँथनी गर्ल्स हायस्कूलमध्ये केले. त्यानंतर तिने सिडनहॅम कॉलेज मुंबईमधून पदवी पूर्ण केली. शमिताच्या वाढदिवशी आपण तिच्याशी संबंधित खास गोष्टी जाणून घेऊया…
शमिताने आपल्या करिअरची सुरूवात यशराज बॅनर ‘मोहब्बतें’ या चित्रपटाद्वारे केली होती. चित्रपटात शमिता अतिशय बोल्ड अंदाजात दिसली होती. हा चित्रपट बॉक्स ऑफिसवर यशस्वी ठरला पण शमिताला त्याचा फायदा झाला नाही. शमिताला तिच्या पहिल्या चित्रपटासाठी आयफा बेस्ट डेब्यू अभिनेत्रीचा पुरस्कार ही मिळाला होता.
‘मेरे यार की शादी है’ या चित्रपटात शमितावर चित्रीत करण्यात आलेला ‘शरारा-शरारा’ हा आयटम नंबर बर्‍यापैकी लोकप्रिय झाला. यानंतर ‘साथिया’ चित्रपटातील तिच्या आयटम नंबरचेही खूप कौतुक झाले. ‘झहर’, ‘फरेब’, ‘बेवफा’, ‘कॅश’ आणि ‘मोहब्बत हो गई है तुमसे’ हे शमिताचे मुख्य चित्रपट आहेत. हिंदी चित्रपटांमध्ये यश मिळाले नाही म्हणून शमिताने बर्‍याच तामिळ आणि तेलगू चित्रपटांमध्येही काम केले.
मॉडेलिंग आणि अभिनयाबरोबरच शमिताला इंटिरियर डिझायनिंगमध्येही रस आहे. एका मुलाखतीत ती म्हणाली होती की, ‘मला अभिनयाशिवाय दुसरे काही करायचे होते. फक्त अभिनयावर अवलंबून राहू शकत नाही. मी इंटिरियर डिझायनिंग करण्यास सुरवात केली. मी त्याचा अभ्यास केला आहे आणि मला ते करायला आवडते. ‘ शमिता बरीच काळ मोठ्या पडद्यावर दिसली नाही पण ती सतत इंटिरियर डिझायनिंगमध्ये सक्रिय आहे.
शमिता शेट्टी हीने कलर्स चॅनलच्या लोकप्रिय शो ‘बिग बॉस’ मधून टीव्ही करिअरची सुरुवात केली. ‘बिग बॉस 3’ ची स्पर्धक म्हणून ती शोमध्ये पोहोचली होती. ती खूप चांगली कामगिरी करत होती. मग तिने तो कार्यक्रम मधेच सोडला. आपली बहीण शिल्पा शेट्टीच्या लग्नामुळे तिला बिग बॉसचे घर मधेच सोडावे लागले. याशिवाय झलक दिखला जा सीझन आठमध्येही तिने आपल्या डान्सचे जलवे दाखविले. शमिता ‘खतरों के खिलाडी’ सीझन सातमध्ये दिसली आहे.