पोलिसनामा ऑनलाईन टीम – भाजपला वेळोवेळी सडेतोड उत्तर देणारे शिवसेनेचे खासदार संजय राऊत यांची मुख्य प्रवक्तेपदी निवड करण्यात आली आहे. त्यांच्यासह इतर नेत्यांची यादीही शिवसेनेने जाहीर केली आहे. खासदार अरविंद सावंत, परिवहन मंत्री अनिल परब, उच्च आणि तंत्र शिक्षण मंत्री उदय सामंत, पाणी पुरवठा मंत्री गुलाबराव पाटील, खासदार धैर्यशील माने, आमदार निलम गोर्‍हे यांची निवड करण्यात आली आहे.
महापौर किशोरी पेडणेकर, आमदार प्रताप सरनाईक, आमदार सुनिल प्रभू यांचीही प्रवक्ते म्हणून घोषणा शिवसेना मध्यवर्ती कार्यलकडून करण्यात आली आहे. यावेळी राज्यसभेच्या खासदार प्रियांका चतुर्वेदी यांचीही प्रवक्तेपदी निवड करण्यात आली आहे. दरम्यान, राज्यात विधानपरिषदेच्या उपसभापती पदासाठी आज निवडणूक होणार आहे. निवडणुकीसाठी महाविकास आघाडीने आपला उमेदवार जाहीर केल्यानंतर भाजपनेही उमेदवार रिंगणार उतरवला आहे. शिवसेनेकडून नीलम गोर्‍हे यांना पुन्हा एकदा उमेदवारी देण्यात आली आहे. तर भाजपकडून त्यांना भाई गिरकर यांनी आव्हान दिले आहे.