नवी दिल्ली : वृत्तसंस्था – दिल्ली विधानसभा निवडणुकीत एक हाती विजय मिळविल्यानंतर मंदिरातून घरी जाणाऱ्या आपचे आमदार नरेश यादव यांच्या ताफ्यावर गोळीबार करण्यात आला. त्यात एका कार्यकर्त्याच्या मृत्यु झाला असून एक जण जखमी झाला आहे. अशोक मान असे मृत्यु पावलेल्या कार्यकर्त्याचे नाव आहे. किशनगढ भागात मंगळवारी रात्री उशीरा ही घटना घडली.
Delhi: Delhi: Shots fired at the convoy of Naresh Yadav, Aam Aadmi Party (AAP) MLA from Mehrauli on Aruna Asaf Ali Marg, last night. One party volunteer lost his life while another has been injured in the incident. pic.twitter.com/UREQkDVEkB
— ANI (@ANI) February 11, 2020
महरौली विधानसभा मतदारसंघातून नरेश यादव हे विजयी झाले. निकालानंतर कार्यकर्त्यांनी मिरवणुक काढली होती. त्यानंतर रात्री उशीरा नरेश यादव यांनी आपल्या मतदारसंघातील काही मंदिर, गुरुद्वारा येथे जाऊन दर्शन घेतले. त्यानंतर ते घरी जात असताना किशनगढ भागात रस्त्यात दोन गाड्या थांबल्या होत्या. त्यांच्या गाडीच्या मागे असलेल्या दुसऱ्या गाडीवर गोळीबार करण्यात आला.
AAP MLA Naresh Yadav's convoy attacked: Delhi Police registers FIR, all angles being probed
Read @ANI Story | https://t.co/YkiVvGb3Cs pic.twitter.com/5p29IeNoR3
— ANI Digital (@ani_digital) February 12, 2020
त्यावेळी चार गोळ्या झाडण्यात आल्या. त्यात दोघे जण जखमी झाले. त्यांना त्यात गाडीतून हॉस्पिटलमध्ये नेण्यात आले. मात्र, अशोक मान याचा मृत्यु झाला. दुसऱ्या कार्यकर्त्यावर उपचार सुरु आहे.