नांदेड : पोलीसनामा आॅनलाईन
अंमली पदार्थांचं सेवन करणारा माणूस नशेत काय करेल हे काही कोणी सांगू शकत नाही. अंगावर शहारा आणेल अशी घटना समोर आली आहे. दारूच्या नशेत पित्याने आपल्या दोन वर्षांच्या चिमुकल्या मुलीला भिंतीवर आपटले आहे. इतकेच नाही तर या मुलीच्या उपचारादरम्यान मृत्यू झाल्याची धक्कादायक घटना समोर आली आहे. अनुराधा असं या मुलीचं नाव आहे. नांदेड जिल्ह्यातील हिमायतनगर तालुक्यातील वाघी गावातील ही घटना आहे. प्रभाकर इंगळे असं या पित्याचं नाव आहे.
हिमायतनगर तालुक्यातील वाघी गावात राहणाऱ्या 37 वर्षीय प्रभाकर इंगळे याला दारूचे व्यसन आहे. 16 ऑक्टोबर रोजी दुपारी तो नेहमीप्रमाणे दारू पिऊन आला. दारूच्या नशेत त्याने पत्नीशी वाद घालायला सुरुवात केली. यावेळी दोन वर्षाची अनुराधा उर्फ अंजली आईच्या कडेवर होती. अंजलीला आईकडून हिसकावून घेऊन तो निघून गेला आणि गावातील ग्रामपंचायत इमारतीच्या भिंतीवर त्याने अंजलीला भिंतीवर आपटले. डोक्याला जबर मार लागल्याने अंजली बेशुद्ध पडली.
सोसायटीमधील रहिवाश्यांचा दारु विक्री दुकानास विरोध
तिला तात्काळ हिमायतनगरच्या प्राथमिक आरोग्य केंद्रात दाखल करण्यात आले. ती कोमात गेल्याचं आरोग्य केंद्रातील डॉक्टरानी सांगितलं. प्रकृती गंभीर असल्याने अंजलीला नांदेडला जिल्हा रुग्णालयात हलवण्याचा निर्णय घेण्यात आला. अंजलीचा रुग्णवाहिकेतून नांदेडला उपचारासाठी आणताना वाटेतच मृत्यू झाला.आज मयत अंजली हिच्या मृतदेहाची उत्तरीय तपासणी झाली. यावेळी आई अर्चना इंगळे हिने स्वता:हुन फोन करून ही संपूर्ण माहिती पोलिसांना दिली. या घटनेने सर्वांना चांगलाच धक्का बसला आहे.
[amazon_link asins=’B078124279′ template=’ProductCarousel’ store=’policenama-100′ marketplace=’IN’ link_id=’9cf27763-d22c-11e8-a170-d1c72c016bdb’]
हिमायत नगर पोलिसांनी तातडीने अर्जना इंगळे हिचा जबाब नोदवून गुन्हा दाखल केला. आरोपी बाप प्रभाकर इंगळेला पोलिसांनी अटक केली. प्रभाकर इंगळेला दोन मुली होत्या. चिमुकल्या अनुराधाच्या मृत्यूमुळे परिसरात हळहळ व्यक्त होत आहे.