नवी दिल्ली : वृत्तसंस्था – कमीतकमी वेळेत जास्तीत जास्त पैसे कमवावे अशी प्रत्येकाची अशी इच्छा असते. सामान्यत: लोकांना 9 ते 5 पर्यंत ऑफिस जॉब कंटाळवाणा वाटतो. नुकत्याच झालेल्या अहवालात असे म्हटले होते की देशातील सर्वात मोठ्या तांत्रिक शैक्षणिक संस्थेच्या म्हणजेच आयआयटीमधील बहुतांश विद्यार्थ्यांचा कल नोकरीऐवजी स्टार्टअपकडे वाढत आहे. अशा परिस्थितीत तुम्हालाही कमीतकमी वेळेत आणखी पैसे कमवायचे असतील तर काळजी करू नका. आम्ही तुम्हाला अशाच एका नोकरीबद्दल सांगत आहोत, जिथे तुम्हाला फक्त एका तासाच्या कामासाठी 10,000 रुपये मिळतील.
मनीकंट्रोलने आपल्या एका अहवालात याबाबत माहिती दिली आहे. डाटा मायनिंग, आर्टिफिशियल इंटेलीजेंस आणि क्लाउड सिक्युरिटीची मागणी वेगाने वाढत आहे. यामध्ये विशेषतः आर्टिफिशियल इंटेलीजंसची मागणी जगभरात वेगाने वाढत आहे. त्यामुळे या क्षेत्रातील शिक्षकांची मागणीही वाढत आहे हे उघड आहे. बर्याच कंपन्यांना या कौशल्यानुसार आपल्या कर्मचार्यांना प्रशिक्षण द्यायचे आहे. या वाढत्या मागणीमुळे आर्टिफिशियल इंटेलीजंसचे प्रशिक्षण घेण्यासाठी 50,000 ते 7 लाख रुपयांपर्यंत शुल्क आकारले जात आहे.
लर्निंग अँड डेव्हलपमेंट प्रोग्रामअंतर्गत कंपन्या अशा शिक्षकांना अल्प कालावधीसाठी कामावर घेतात. त्यांना प्रॅक्टिकल आणि थेरी दोन्हींचेही ट्रेनिंग दिले जाते. सामान्यत: हे स्किल शिकण्यासाठी 30-60 तासांची आवश्यकता असते.
आयटी, ई-कॉमर्स, बँकिंग, एफएमसीजी आणि ई-शिक्षण क्षेत्रातील कंपन्या अशा लोकांना कामावर घेतात. सध्या अशा लोकांचा एकूण पुरवठा सुमारे 10 हजार आहे, तर 10 लाख लोकांची मागणी आहे. इतर व्यावसायिकांप्रमाणेच, या शिक्षकांना देखील सतत स्वत: ला अपडेट ठेवावे लागेल आणि जगातील बाजारावर लक्ष ठेवावे लागेल. भारतात नसलेल्या काही कोडिंग तंत्र आणि प्रोग्रामिंग भाषांबद्दल जाणून घेणे महत्वाचे आहे.
Visit : Policenama.com
- ‘ही’ फॅशन महिलांना पडू शकते महागात ! होऊ शकतात ‘या’ ५ समस्या
- ‘थंड दूध’ पिण्याने वाढते सौंदर्य ! ‘हे’ ५ फायदे तुम्हाला माहित आहेत का ?
- प्रोटीन्सचा खजिना आहे ‘डाळ-भात’ ! रोज खाल्ल्यास होतील ‘हे’ ५ फायदे
- तु ‘चीज’ बडी है मस्त-मस्त ! हाडे होतील मजबूत, हे आहेत ५ आरोग्यदायी फायदे
- उसाचा रस पिताना घ्या काळजी, ‘या’ ७ गोष्टी लक्षात ठेवा