5,000 रुपयांपेक्षा कमी किंमतीत खरेदी करा 3000 mAh ची बॅटरी असणारे अँड्रॉइड स्मार्टफोन्स, जाणून घ्या

नवी दिल्ली : वृत्तसंस्था – स्मार्टफोन बाजारात शाओमी, सॅमसंग, ओप्पो, विवो याशिवाय काही असे ब्रँड्स आहेत जे अत्यंत कमी किमतीत स्मार्टफोन उपलब्ध करून देतात. साधारणत: लोक जेव्हा फिचर फोनवरून स्मार्टफोनकडे माइग्रेट होत असतात तेव्हा लोक या ब्रँडचे स्मार्टफोन खरेदी करण्यास प्राधान्य देतात आणि त्यांचे बजेटही कमी असते. अशाच प्रकारचे Ikall, Meizu आणि इतर बर्‍याच ब्रँडचे 5,000 रुपयांपेक्षा कमी किंमतीत खरेदी करता येणारे स्मार्टफोन उपलब्ध आहेत. यासाठी ई-कॉमर्स वेबसाइट अ‍ॅमेझॉनवरून कमी किमतीच्या फोनची यादी तयार केली आहे. या यादीमध्ये समाविष्ट केलेल्या स्मार्टफोनचे रेटिंग 4 च्या वर आहे.

IKall K3 :
या फोनच्या 2 जीबी रॅम आणि 16 जीबी स्टोरेज व्हेरिएंटची किंमत 4,099 आहे. काळ्या आणि लाल या दोन रंगाच्या पर्यायांत खरेदी केले जाऊ शकते. यात 6.26 इंचाचा आयपीएस डिस्प्ले आहे. फोनमध्ये 8 एमपीचा मागील कॅमेरा आणि 5 एमपी फ्रंट कॅमेरा देखील असेल. त्यात एएमडी प्रोसेसरसह 3000 एमएएच बॅटरी आहे. त्याचे रेटिंग 5 पैकी 5 आहे.

Meizu C9 Pro :
या फोनच्या 3 जीबी रॅम आणि 32 जीबी स्टोरेज व्हेरिएंटची किंमत, 4,299 आहे. हे काळ्या रंगात खरेदी केले जाऊ शकते. यात एचडी + डिस्प्ले आहे. फोनमध्ये 13 एमपी चा मागील कॅमेरा आणि 8 एमपीचा फ्रंट कॅमेरा देखील असेल. यात 3000mAh बॅटरी आहे. यात अँड्रॉइड 8 ओएस आहे. हा फोन 1.3 गीगाहर्ट्झ क्वाड-कोर प्रोसेसरवर कार्य करतो. याचे रेटिंग 5 पैकी 4.1 आहे.

Xifo iVooMi Model i1 :
या फोनच्या 2 जीबी रॅम आणि 16 जीबी स्टोरेज व्हेरिएंटची किंमत 3,299 आहे. हे सोनेरी रंगात खरेदी केले जाऊ शकते. यात 5.45 इंचाचा एफडब्ल्यूव्हीजीए + आयपीएस डिस्प्ले आहे. फोनमध्ये 13 एमपी आणि 2 एमपी चा मागील कॅमेरा आणि 8 एमपीचा फ्रंट कॅमेरा देखील असेल. यात 3000mAh बॅटरी आहे. यात स्टॉक अँड्रॉइड 7 ओएस आहे. त्याचे रेटिंग 5 मध्ये 5 आहे.