सोनू सूदनं बर्थडेला दिलं स्थलांतरितांना ‘गिफ्ट’, 3 लाख नोकर्या देण्याची केली घोषणा
मुंबई : पोलीसनामा ऑनलाईन – अभिनेता सोनू सूदने कोरोना युगातील प्रत्येक गरजूंना मदत केली आहे, ज्या प्रकारे त्याने कठीण परिस्थितीत देवदूत बनून लोकांना संभाळले आहे, त्याची स्तुती अजूनही सुरू आहे. या कौतुकानंतरही सोनू थांबला नाही, त्याने त्याच्या मदतीची व्याप्ती वाढविली आहे. पूर्वी सोनू लोकांना एका ठिकाणाहून दुसर्या ठिकाणी जायला मदत करत होता, आता त्याने शेतकऱ्यांना ट्रॅक्टर देण्यापासून नोकऱ्या देण्यासारख्या गोष्टी करण्यास सुरवात केली आहे.
प्रवासी कामगारांना नोकरी देणार सोनू सूद ?
30 जुलै रोजी सोनू सूद आपला 47 वा वाढदिवस साजरा करीत आहेत. दरम्यान, त्याने त्याच्या वाढदिवशी कोणत्याही बॉलिवूड पार्टीचे आयोजन केले नाही तर या निमित्ताने लोकांना मदत करून पुण्य मिळवण्याचा प्रयत्नात आहे. सोनू सूदने सोशल मीडियावर जाहीर केले की, आता तो परप्रांतीयांना नोकर्या देण्यास मदत करेल. तो पूरग्रस्त बिहार आणि आसाममध्ये ही मोहीम वेगाने चालवणार आहेत. अभिनेत्याने सोशल मीडियावर सांगितले आहे – माझ्या वाढदिवसाच्या निमित्ताने माझ्या स्थलांतरित बांधवांसाठी http://pravasiRojgar.com 3 लाख नोकरीसाठी माझा करार. हे सर्व चांगले पगार, पीएफ, ईएसआय आणि इतर फायदे प्रदान करतात. एईपीसी, सीआयटीआय, ट्रायडंट, क्वेस कॉर्प, अॅमेझॉन, सोडेक्सो, अर्बन को, पोर्टिया आणि इतर सर्वांचे धन्यवाद.
मेरे जन्मदिन के अवसर पे मेरे प्रवासी भाइयों के लिए https://t.co/UWWbpO77Cf का 3 लाख नौकरियों के लिए मेरा करार। ये सभी अच्छे वेतन, PF,ESI और अन्य लाभ प्रदान करते हैं। धन्यवाद् AEPC, CITI, Trident, Quess Corp, Amazon, Sodexo, Urban Co , Portea और अन्य सभी का।#AbIndiaBanegaKamyaab pic.twitter.com/rjQ0rXnJAl
— sonu sood (@SonuSood) July 30, 2020
माहितीनुसार, सोनू सूदने प्रवासी रोजगाराच्या नावाखाली नवी मोहीम सुरू केली आहे. त्याने अनेक बड्या कंपन्यांशी करार केला आहे. पुरामुळे आसाम आणि बिहारमध्ये कोट्यवधी लोकांचे नुकसान झाले आहे आणि बर्याच जणांच्या नोकर्या गेल्या आहेत, आता सोनू सूद या सर्वांच्या मदतीसाठी पुढे आला आहे. सोनूच्या या पुढाकाराने या पूरात सर्वकाही गमावलेल्या अशा सर्व लोकांसाठी नवीन आशा निर्माण झाली आहे. यापूर्वीही सोनू सूदने लोकांना वेगवेगळ्या प्रकारे मदत केली आहे. अलीकडेच त्याने एका शेतकर्याला शेतात नांगरणीसाठी दोन बैल दिले होते. सोनूने दुसर्या शेतकऱ्याला ट्रॅक्टर भेट दिली. सोनू सूदच्या या मदतीचे प्रत्येकजण कौतुक करत आहे. प्रत्येकाच्या दृष्टीने तो खऱ्या आयुष्यातला हिरो बनला आहे.