हॉटेल रूममध्ये महिला अधिकाऱ्यासोबत आढळला श्रीलंकेचा युवा अष्टपैलू ! SLC नं मागितला रिपोर्ट
cricket-ball-belsनवी दिल्ली : वृत्तसंस्था – श्रीलंका क्रिकेटने (SLC) आपल्या नॅशनल टीमच्या मॅनेजरला एक युवा नवोदित खेळाडू आणि मेडिकल स्टाफच्या एका महिला सदस्यावर लैंगिक गैरवर्तन केल्याच्या आरोपाबद्दल अहवाल देण्यास सांगितले आहे. श्रीलंका क्रिकेट तेव्हा वादात अडकले जेव्हा स्थानिक माध्यमांच्या बऱ्याच रिपोर्ट्सनुसार एक युवा स्पिन बॉलिंग ऑलराऊंडर हॉटेलच्या आपल्या खोलीत महिला अधिकाऱ्यासह दिसून आला.
श्रीलंका क्रिकेटने म्हटले आहे की बर्‍याच माध्यमांमध्ये असे वृत्त आहे की सध्या इंग्लंडविरूद्ध कसोटी मालिका खेळणार्‍या संघाच्या सदस्याने मेडिकल स्टाफच्या सदस्यासोबत गैरवर्तन केले.
श्रीलंका क्रिकेटने एका प्रसिद्धीपत्रकात म्हटले आहे की, “या प्रकरणाचे गांभीर्य लक्षात घेऊन आम्ही टीम मॅनेजर असांथा डि मेल यांना या घटनेचा अहवाल देण्यास सांगितले आहे जेणेकरुन माध्यमांच्या वृत्तांच्या सत्यतेची पुष्टी करता येईल.”
श्रीलंका आणि इंग्लंड यांच्यातील दुसरा कसोटी सामना शुक्रवारपासून गॉलमध्ये सुरू होईल. टीमचे कोच मिकी आर्थर यांनी बुधवारी सांगितले की अशी घटना होणे शक्य नाही कारण सर्व खेळाडू बायो बबलमध्ये राहत आहेत.