नवी दिल्ली : वृत्तसंस्था – श्रीलंकेचा वेगवान गोलंदाज लसिथ मलिंगा याने आंतरराष्ट्रीय क्रिकेटमधून निवृत्तीची घोषणा केली आहे. बांगलादेशविरुद्ध २६ जुलै रोजी होणाऱ्या पहिल्या एकदिवसीय सामन्यानंतर मलिंगा क्रिकेटला गुडबाय करणार आहे. मलिंगाचा समावेश बांगलादेशविरुद्ध होणाऱ्या एकदिवसीय सामन्यांसाठी करण्यात आला आहे. श्रीलंका या मालिकेत तीन एकदिवसीय सामने खेळणार असून पहिल्या सामन्यानंतर मलिंगा निवृत्त होणार आहे. आर प्रेमदासा स्‍टेडियम वर खेळवल्या जाणाऱ्या या सामन्यात मलिंगा निवृत्ती स्वीकारणार आहे.
2️⃣6️⃣3️⃣ international matches 👏
3️⃣1️⃣3️⃣ wickets 👏
2️⃣0️⃣1️⃣4️⃣ @T20WorldCup winner 👏Happy birthday, Nuwan Kulasekara! pic.twitter.com/ECyeU4n4iC
— ICC (@ICC) July 22, 2019
त्यानंतर आज आणखी एका वेगवान गोलंदाजाने निवृत्तीची घोषणा केली आहे. नुवान कुलसेकराने आज निवृत्तीची घोषणा केली आहे. कुलसेकर याने श्रीलंकेसाठी २१ कसोटी, १८४ एकदिवसीय सामने आणि ५८ टी-२० सामने खेळले आहेत. २१ कसोटी सामन्यात त्याने ४८ विकेट घेतल्या आहेत तर १८४ एकदिवसीय सामन्यात १९९ विकेट घेतल्या आहेत तर ५८ टी-२० सामन्यात ६६ विकेट घेतल्या आहेत.
मागील दोन वर्षांपासून तो श्रीलंकेसाठी आंतरराष्ट्रीय सामना खेळलेला नाही. त्याने २१७ मध्ये शेवटचा सामना खेळला होता. २००३ मध्ये त्याने क्रिकेटमध्ये पदार्पण केले होते. मागील १५ वर्ष तो श्रीलंकेसाठी महत्वाचा गोलंदाज म्हणून भूमिका पार पाडत होता. २०११ मधील वर्ल्डकपच्या अंतिम सामन्यात त्याच्या गोलंदाजीवर धोनीने मारलेला विजयी षटकार आजही भारतीयांच्या मनात घर करून आहे.
दरम्यान, कुलसेकर याने निवृत्ती घेताना निरोपाचा सामना खेळू देण्याची विनंती केली होती मात्र राष्ट्रीय निवड समितीने त्याची हि विनंती फेटाळून लावत अनेक वर्ष स्थानिक स्पर्धांत न खेळण्याने त्याला हा सामना देऊ शकत नसल्याचे कारण त्यांनी सांगितले.
- सूर्यप्रकाशाने दूर ठेवा ‘या’ गंभीर आजराला, जाणून घ्या माहिती
- लैंगिक संबंध ठेवल्यानंतर कशी आणि किती दिवसात गर्भधारणा होते ? जाणून घ्या
- बुद्धी आणि एकाग्रता वाढविण्यासाठी तुळशीची पाने ‘गुणकारक’, जाणून घ्या
- आमसूल खाण्याचे ‘हे’ फायदे, जाणून घ्या
- ‘या’ पानांचे चूर्ण लिव्हरचे आजार, डोकेदुखी, पोटदुखीत उपयोगी, जाणून घ्या
- कोलेस्ट्रॉल आणि बीपी कमी करण्यासाठी अवश्य घ्यावा ‘हा’ चहा