पैशांची कमतरता भासतेय ? केवळ 10,000 रुपयांत सुरु करा ‘हा’ व्यवसाय, होईल मोठी कमाई

नवी दिल्ली, वृत्तसंस्था : कोरोना काळात पैशाचा प्रश्न सर्वांसमोर उभा आहे. परंतु अशा परिस्थितीत आपल्या समोर असे बरेच पर्याय आहेत, ज्यात कमी पैसे गुंतवून चांगली कमाई केली जाऊ शकते. तसेच असे काही व्यवसाय देखील आहेत, ज्यातून आपण पैसे कमावू शकतो. आजकाल थेरेपी आणि डिजाइन कँडलचा ट्रेंड दररोज वाढताना दिसत आहे. अश्या परिस्थितीत आपण कँडल मेकिंग बिजनेस सुरु करू शकता. हा एक असा बिजनेस आहे ज्यात आपण आपल्या बजेटनुसार कमी किंवा अधिक पैसे गुंतवून सहजपणे घरातून सुरु करू शकता.

डिझायनर मेणबत्या
बाजारात मेणबत्यांची मागणी कायम असते. त्यामुळे छोटी सुरुवात करून या व्यवसायाला ब्रँडपर्यंत नेण्याची संधी असते. मेणबत्यांचे अनेक प्रकार आहेत. त्या बनविण्याच्या पद्धतीही वेगवेगळ्या आहेत. ज्यात दैनंदिन वापरात येणारी रेग्युलर प्लॅन व्हाईट कँडल, विशेष प्रसंगासाठी डिझाइनर कँडल्स, यासाठी व्यवसाय सुरू करण्यापूर्वी हे निश्चित करा कि, कोणत्या प्रकारच्या मेणबत्त्या बनविण्याचा व्यवसाय करायचा आहे.

अरोमाथेरपीमध्ये वापरल्या जातात या मेणबत्त्या
आजकाल बर्‍याच थेरपी आहेत, त्यातील एक अरोमाथेरपी आहे. अरोमाथेरपीसाठी विशेषत: सुगंधित मेणबत्या वापरल्या जातात. ज्या बनवूनही कमाई केली जाऊ शकते. मेणबत्ती व्यवसायासाठी आवश्यक कच्चा माल आणि उपकरणांची व्यवस्था देखील आवश्यक आहे. बाजारात कोणत्या प्रकारच्या मेणबत्यांची मागणी सर्वाधिक आहे, त्यानुसार आपले उत्पादन ठरवा. पुढील योजना आहे, व्यवसाय योजना बनवून भांडवल गोळा करणे. तसे, किमान दहा हजार रुपयांमध्ये हा व्यवसाय सुरू केला जाऊ शकतो. उत्पादनाच्या प्रकारानुसार, जर आपणास भांडवली गुंतवणूकीची व्यवस्था करता येत नसेल तर आपण बॅंक कर्ज किंवा लहान उद्योगांसाठी उपलब्ध असलेल्या सरकारी योजनांची मदत घेऊ शकता.

व्यवसायासाठी जागा निश्चित करा
आपल्याकडे मेणबत्त्या बनविण्यासाठी, पॅकिंग करण्यासाठी आणि तयार केलेला माल ठेवण्यासाठी जागा असणे आवश्यक आहे. म्हणूनच, जर आपणास घरातून मेणबत्त्या बनवण्याचा व्यवसाय सुरू करायचा असेल तर स्वतंत्र खोली असणे आवश्यक आहे. किंवा व्यवसायासाठी खोल्या स्वतंत्रपणे भाड्याने देखील घेतल्या जाऊ शकतात.

एक आकर्षक ब्रँड नाव ठेवा
आपल्याला उत्पादनाच्या ब्रँड नावानेच बाजारात आपली ओळख बनते, म्हणूनच आपल्या व्यवसायास ब्रँडसाठी एक आकर्षक नाव द्या. महत्वाचे म्हणजे आपला व्यवसाय नोंदणी आणि आवश्यक परवान्यांसह प्रारंभ करा.

पॅकिंगची विशेष काळजी
उत्पादन तयार झाल्यानंतर, चांगले मार्केट मिळविण्यासाठी पॅकेजिंगची विशेष काळजी घ्यावी लागेल. आपण सजावटीच्या किंवा सुगंधित मेणबत्त्या बनवत असल्यास, त्याचे पॅकेजिंग मजबूत तसेच आकर्षक असले पाहिजे.