वर्णभेदाची लढाई इतिहासावर आली, जाणून घ्या US पासून युरोपपर्यंत का तोडले जातायेत पुतळे ?

नवी दिल्ली :  वृत्तसंस्था –  अमेरिकेत वर्णभेदाला बळी पडलेल्या कृष्णवर्णीय जॉर्ज फ्लॉयडच्या निधनानंतर जगभरात निषेध सुरू झाला आहे. लोकांनी वंशविद्वेष आणि वर्णभेदाविरूद्ध लढा सुरू ठेवला आहे, परंतु पद्धत बदलली आहे. आता आंदोलक ऐतिहासिक व्यक्तिमत्त्वांच्या मूर्ती तोडत आहेत. आतापर्यंत संपूर्ण जगात 45 मूर्ती मोडल्या गेल्या आहेत. वर्णभेदाविरूद्ध निषेध करणारे लोक असा आरोप करतात की, हे ज्या ऐतिहासिक लोकांचे पुतळे आहेत, हे सर्व गुलामगिरी व दास प्रथेला प्रोत्साहन द्यायचे. सोबतच वंशवाद आणि वर्णभेदाचे देखील समर्थन करत होते.

सर्वाधिक नुकसान अमेरिका आणि ब्रिटनच्या मूर्तींचे झाले आहे. बोस्टनमधील क्रिस्तोफर कोलंबसचा पुतळा उखडून फेकण्यात आला. वर्णभेदाच्या विरोधात आवाज उठविणारे लोक म्हणतात की, कोलंबसने अमेरिकन वंशाच्या लोकांचा वध केला होता. त्याचवेळी ब्रिटनमध्ये प्रदर्शन करणाऱ्या लोकांनी राणी व्हिक्टोरियाचा पुतळा खराब केला आहे. त्या मूर्तीलाही किंचित नुकसान झाले आहे. राणी व्हिक्टोरियावर वसाहतवादाचा प्रचार केल्याचा आरोप आहे.

ब्रिटनमध्ये वंशविद्वेष आणि वर्णभेदाविरुद्ध आवाज उठविणाऱ्या निदर्शकांनी अशा 60 मूर्तींची यादी तयार केली आहे, ज्यांना ते तोडणार आहेत किंवा खराब करणार आहेत. लीड्समधील राणी व्हिक्टोरियाच्या पुतळ्यावर पेंट स्प्रे करून तो खराब करण्यात आला. त्याचप्रमाणे ब्रिस्टलमध्ये एडवर्ड कोल्स्टनचा पुतळा पाडण्यात आला. एडवर्ड कोलस्टन आफ्रिकन लोकांची खरेदी-विक्री करून गुलामगिरीच्या कामाशी जोडलेला एक व्यावसायिक होता.

एडिनबर्गमधील रॉबर्ट डांडसचा पुतळा पेंट स्प्रेने खराब करण्यात आला. रॉबर्ट डांडसचे वडील हेनरी डांडसही गुलामगिच्या कामाशी संबंधित होते. ब्रिटिश संसदेत त्यांच्यावर महाभियोग कारवाई करण्यात आली होती. बेल्जियममधील ब्रसेल्समध्ये आंदोलकांनी किंग लिओपोल्डच्या पुतळ्याला नुकसान पोहोचविले. लिओपोल्ड गुलामीला प्रोत्साहन देण्यासाठी देखील ओळखले जातो. निदर्शकांनी लंडनमधील रॉबर्ट मिलिगनचा पुतळा तोडला. मिलीगान 18 व्या शतकातील एक व्यवसायिक होता. मिलिगनलाही गुलामगिरीचा समर्थक मानतात.