Stock Market Outlook | या आठवड्यात शेअर बाजाराची कशी असेल वाटचाल? ‘हे’ फॅक्टर्स करतील परिणाम, जाणून घ्या एक्सपर्टचा मत
file photoनवी दिल्ली : वृत्तसंस्था – Stock Market Outlook | एप्रिल महिन्यातील घाऊक महागाईची आकडेवारी, जागतिक कल आणि कंपन्यांचे तिमाही निकाल या आठवड्यात शेअर बाजारांची दिशा ठरवतील, असे मत विश्लेषकांनी व्यक्त केले आहे (Stock Market Outlook) . याशिवाय बाजारातील भागीदार परकीय गुंतवणूकदारांच्या (FII) भूमिकेवर लक्ष ठेवतील, जे गेल्या काही दिवसांपासून देशांतर्गत बाजारात विक्रेते राहिले आहेत. (Share Market Marathi News)
तज्ञांचे मत काय आहे ?
स्वस्तिक इन्व्हेस्टमार्टचे संशोधन प्रमुख संतोष मीना म्हणाले, महागाई आणि केंद्रीय बँकांनी त्यांची आर्थिक भूमिका कडक करणे ही जगभरातील बाजारपेठांसाठी चिंतेची बाब आहे. स्थानिक बाजारपेठेत शेअर विक्री करणार्‍यांचे वर्चस्व आहे, परंतु त्यांनी जास्तच विक्री केली आहे ज्यामुळे त्यांचा कल बदलू शकतो. (Stock Market Marathi News)
मीना म्हणाले, अमेरिकेच्या बाजारात विक्री सुरू आहे. गुंतवणूकदार विशेषत: तंत्रज्ञान शेअर विकत आहेत. मात्र, गेल्या दोन ट्रेडिंग सत्रांमध्ये काही स्थिरता आली आहे. अशा परिस्थितीत भविष्यात काही प्रमाणात दिलासा मिळण्याची अपेक्षा केली जाऊ शकते. (Stock Market Outlook)
ते पुढे म्हणाले की, या आठवड्यात देशांतर्गत आघाडीवर मोठ्या घडामोडींच्या अभावात, बाजाराची जागतिक ट्रेंडद्वारे निश्चित केली जाईल. मात्र, कंपन्यांच्या चौथ्या तिमाहीतील निकाल पाहता काही शेअरच्या विशिष्ट हालचाली दिसू शकतात.
—
LIC IPO ची होईल लिस्टिंग
देशांतर्गत आघाडीवर, लाईफ इन्शुरन्स कॉर्पोरेशन (एलआयसी) ची 17 मे रोजी लिस्टिंग होणारा आयपीओ एक प्रमुख उत्प्रेरक ठरू शकेल असा विश्वास आहे. ते म्हणाले की एफआयआय विक्री करत असल्याने, देशांतर्गत संस्थात्मक गुंतवणूकदार (डीआयआय) त्याची भरपाई करण्याचा प्रयत्न करू शकतात.
अशावेळी त्यांच्या भूमिकेकडेही सर्वांच्या नजरा खिळल्या आहेत.
याशिवाय डॉलर इंडेक्स, कच्च्या तेलाच्या किमती आणि रुपयातील अस्थिरता यांचा कल सुद्धा देशांतर्गत बाजारासाठी महत्त्वाचा ठरेल, असे ते म्हणाले.
मंगळवारी येणार्‍या एप्रिलच्या घाऊक महागाईच्या आकडेवारीवरही गुंतवणूकदार लक्ष ठेवतील असे विश्लेषकांचे म्हणणे आहे.
या कंपन्यांचे येतील निकाल
कोटक सिक्युरिटीजचे इक्विटी रिसर्च (रिटेल) प्रमुख श्रीकांत चौहान म्हणाले की, बाँडवर वाढणारे उत्पन्न, चलनवाढीचा उच्च स्तर आणि जागतिक स्तरावर केंद्रीय बँकांनी आर्थिक भूमिका कठोर करणे यामुळे नजीकच्या भविष्यात बाजारातील धारणांवर परिणाम होईल.
ते म्हणाले की, तिमाही निकालांमुळे काही शेअरमध्ये विशेष हालचाली दिसू शकतात.
भारती एअरटेल, डीएलएफ, इंडियन ऑइल कॉर्पोरेशन, आयटीसी, आयडीएफसी,
जेके टायर अँड इंडस्ट्रीज आणि एनटीपीसी यांचे तिमाही निकाल या आठवड्यात येणार आहेत.
—
मागील आठवड्यात बाजारात मोठी घसरण
गेल्या आठवड्यात, बीएसईचा 30 शेअर्सचा सेन्सेक्स 2,041.96 अंकांनी किंवा 3.72 टक्क्यांनी घसरला.
दुसरीकडे, निफ्टी 629.10 अंकांनी किंवा 3.83 टक्क्यांनी घसरला.
जिओजित फायनान्शियल सर्व्हिसेसचे संशोधन प्रमुख विनोद नायर म्हणाले की,
रुपयाची कमजोरी, उच्च चलनवाढ आणि चीनमधील लॉकडाऊन यामुळे गेल्या आठवड्यात बाजार अस्थिर होता.
ते म्हणाले की, पुढे जाऊन फेडरल रिझर्व्हच्या उपाययोजनांमुळे चलन घसरणीच्या वेगावर बाजाराची दिशा ठरेल.
Web Title :- Stock Market Outlook | stock market outloook how will the stock market move this week these factors will affect
Join our WhatsApp Group, Telegram, facebook page and Twitter for every update