धक्कादायक ! आकाशातून कोसळला १५ किलोचा ‘दगड’, नागरिकांनी सुरु केली त्याची ‘पूजा’
नवी दिल्ली : वृत्तसंस्था – बिहारच्या मधुबनी जिल्ह्यात एका विचित्र घटनेमुळे नागरिकांमध्ये दहशत पसरली आहे. येथील एका शेतात १५ किलोचा दगड आढळून आल्याने येथील नागरिक दहशतीखाली आहेत. येथील नागरीकांनी हा दगड आकाशातून कोसळल्याचा दावा केला आहे. या घटनेमुळे परिसरातील नागरिक थक्क झाले आहेत.
या दगडाविषयी नागरिकांमध्ये अनेक गैरसमज पसरले आहेत. कुणी याला देवाची कृपा म्हणत आहे तर कुणी याला एलियनचा दगड म्हणत आहे. हा दगड अवकाशातून कोसळला असून यामुळे शेतात मोठा खड्डा तयार झाला आहे. पोलीस स्टेशनचे प्रमुख अरविंद कुमार यांनी सांगितले कि, हा दगड अवकाशातुन कोसळला असल्याचे स्थानिक नागरिक सांगत आहेत.
या दगडात चुंबकीय शक्ती असून यावर लोहचुंबक देखील चिकटत आहे. यामुळे दगड तपासणीला पाठवण्यात आला आहे. स्थानिकांनी दिलेल्या माहितीनुसार, मोठ्या आवाजासह हा दगड या भाताच्या शेतात येऊन कोसळला. यावेळी ज्या ठिकाणी हा दगड कोसळला तेथे काही काळासाठी सफेद धूर पाहायला मिळाला होता आणि त्याचबरोबर तेथील जमीन देखील गरम झाली होती.
हि घटना सगळीकडे पसरल्यानंतर हा दगड पाहण्यासाठी आजूबाजूच्या गावातील नागरिकांनी गर्दी केली होती. काही नागरिकांनी तर त्या दगडाला देवाचा दर्जा देत त्याची पूजा देखील केली. काही नागरिकांनी या दगडाला पिंपळाच्या झाडाखाली ठेऊन याची पूजा करण्यास सुरुवात केली.
दरम्यान, या दगडाविषयी बोलताना वैज्ञानिकांनी म्हटले आहे कि, हा दगड उल्कापिंड असू शकतो. आकाशात विजेच्या धक्क्यामुळे दगड मॅग्नेटिक शक्तीत बदलला जातो. त्यामुळे या दगडाविषयी घाबरण्याचे कारण नसल्याचे देखील त्यांनी स्पष्ट केले.
- सूर्यप्रकाशाने दूर ठेवा ‘या’ गंभीर आजराला, जाणून घ्या माहिती
- लैंगिक संबंध ठेवल्यानंतर कशी आणि किती दिवसात गर्भधारणा होते ? जाणून घ्या
- बुद्धी आणि एकाग्रता वाढविण्यासाठी तुळशीची पाने ‘गुणकारक’, जाणून घ्या
- आमसूल खाण्याचे ‘हे’ फायदे, जाणून घ्या
- ‘या’ पानांचे चूर्ण लिव्हरचे आजार, डोकेदुखी, पोटदुखीत उपयोगी, जाणून घ्या
- कोलेस्ट्रॉल आणि बीपी कमी करण्यासाठी अवश्य घ्यावा ‘हा’ चहा