महत्वाच्या बातम्या

‘कोरोना’मुळं वोटिंग नियमांमध्ये मोठा बदल, पोस्टल मतदान करू शकतात 65 वर्षाच्या पुढील वृध्द

Voting File Photo

नवी दिल्ली : वृत्तसंस्था –  जागतिक महामारी कोरोना विषाणूमुळे मतदानाच्या नियमात मोठे बदल करण्यात आले आहेत. ६५ वर्षापेक्षा जास्त वयाचे वृद्ध व्यक्ती, कोरोनाचे रुग्ण आणि संशयित मतदार पोस्टल बॅलेटद्वारे मतदान करू शकतील. या संदर्भात कायदा व न्याय मंत्रालयाने एक अधिसूचना जारी केली आहे.

जगभरातील कोरोनामुळे सामान्य जीवनावर पूर्णपणे परिणाम झाला आहे. कित्येक महिने भारतातही लॉकडाऊन लागू राहिले, त्यामुळे सर्व कामे थांबवण्यात आली. त्याचबरोबर यावर्षी ऑक्टोबर आणि नोव्हेंबरमध्ये बिहार विधानसभेच्या निवडणुका होणार आहेत. अशा परिस्थितीत कोरोना विषाणूचा निवडणुकीवरही मोठा परिणाम होईल असे मानले जात आहे.

विशेष म्हणजे भारतात एका दिवसात कोविड-१९ ची १९,१४८ नवीन प्रकरणे आढळल्यानंतर गुरुवारी संक्रमितांची संख्या सहा लाखांच्या पुढे गेली आहे आणि मृतांची संख्या १७,८३४ वर पोहोचली आहे. पाचच दिवसांपूर्वी संक्रमितांची संख्या पाच लाखांच्या पुढे गेली होती.

देशातील कोरोना विषाणूच्या संसर्गाची प्रकरणे एक लाखांवर पोचण्यासाठी ११० दिवस लागले होते. तर अवघ्या ४४ दिवसांत ही प्रकरणे सहा लाखांच्या पुढे गेली.