नवी दिल्ली : वृत्तसंस्था – स्वस्त डेटा आणि कॉलची सुविधा संपणार लवकरच आहे. रिलायन्स जिओही येत्या काही आठवड्यांत मोबाइल दर वाढवू शकते. कंपनीने मंगळवारी याबाबत घोषणा केली. यापूर्वी सोमवारी एअरटेल आणि व्होडाफोन-आयडियाने 1 डिसेंबरपासून दर वाढवण्याची घोषणा केली आहे .
जिओने दिलेल्या माहितीनुसार, टेलिकॉम रेग्युलेटरच्या (ट्राय) निर्णयाच्या आधारे दरवाढीचा निर्णय घेण्यात येईल. ट्रायने दूरसंचार उद्योगाकडे दर वाढवण्याचा प्रस्ताव दिला आहे. प्रस्तावाला मान्यता मिळाल्यास निर्णय अंमलात आणला जाईल. दर वाढल्याने डेटाच्या विक्रीवर कोणताही परिणाम होणार नाही.
यापूर्वी एक दिवस आधी व्होडाफोन आयडियाने दिलेल्या निवेदनात म्हटले आहे की ते येत्या 1 डिसेंबरपासून ते मोबाइल सेवांचे दर वाढवतील. दर वाढवण्याचे कारण कंपनीने आर्थिक संकट असल्याचे सांगितले आहे. मात्र दरात किती वाढ करण्यात येईल हे कंपनीने अद्याप जाहीर केलेले नाही. डिसेंबरपासून एअरटेलनेही आपल्या सेवांच्या किंमती वाढवण्याची घोषणा केली आहे.
ग्राहकांची संख्या
37.24 कोटी -व्होडाफोन-आयडिया
35.52 कोटी – जिओ
32.55 कोटी – एअरटेल
ट्रायच्या आकडेवारीनुसार, सप्टेंबर महिन्यात व्होडाफोन-आयडिया आणि एअरटेलने एकूण 49 लाख ग्राहक गमावले. एअरटेलने 23.8 लाख ग्राहक गमावले तर व्होडाफोन-आयडियाने 25.7 लाख ग्राहक गमावले.त्याच वेळी रिलायन्स जिओने या कालावधीत 69.83 लाख नवीन युजर्स जोडले.
ट्रायच्या म्हणण्यानुसार, जून 2016 ते डिसेंबर 2017 या काळात देशातील मोबाइल डेटा दरात 95 टक्क्यांनी घट झाली आहे. मोबाइल डेटा आता प्रति गीगाबाईट (जीबी) च्या सरासरी 11.78 च्या किंमतीवर उपलब्ध आहे. मोबाइल कॉलचे दरही 60 टक्क्यांनी घसरले असून ते प्रति मिनिट 19 पैशांच्या आसपास गेले आहेत.
Visit : Policenama.com
- जगण्याचे ‘हे’ सूत्र जाणून घ्या, ‘या’ ४ गोष्टी लक्षात ठेवल्या तर मिळेल आनंद
- जिममध्ये नुसता घाम गाळू नका, प्रथम जाणून घ्या कोणत्याही ‘व्यायामाची त्रिसुत्री’
- हिवाळ्यात ‘या’ ५ गोष्टींची घ्या काळजी; दुर्लक्ष करणे ठरू शकते घातक
- अयोग्य ‘ट्रेनर’मुळे होते आरोग्याचे नुकसान, ‘या’ ३ गोष्टी लक्षात ठेवा
- पांढरे केस, अकाली टक्कल हृदयरोगासाठी कारणीभूत, प्रयोगातील ‘हे’ ६ निष्कर्ष
- भरकटलेले जीवन यशस्वी करायचेय ? ‘हा’ आहे ‘पासवर्ड’, या ३ स्टेप्स आवश्यक
- हिवाळ्यात आरोग्य उत्तम ठेवण्यासाठी ‘या’ ६ गोष्टी नियमित करा सेवन
- गरोदर महिलांनी खावेत भिजवलेले बदाम, होतील ‘हे’ ६ आरोग्यासाठी फायदे