पोलीसनामा ऑनलाईन : आपली स्वप्न पूर्ण करण्याच्या बहाण्याने अनेक भारतीय एनआरआय आपल्या पत्नीला भारतातच ठेऊन दुसरीकडे पलायन करतात. अश्या एनआरआय लोकांना चाप देण्यासाठी या एनआरआय पतींच्या पत्नींनी आता पासपोर्ट रद्द करण्याची मोहीम सुरू केली आहे. अमृतपाल कौर आणि तिच्या सारख्या सर्व महिला पासपोर्ट कार्यालयात स्वेच्छेने काम करत आहेत जेणेकरून ते इतर महिलांच्या फरार एनआरआय पतींना धडा शिकविण्यासाठी त्यांची मदत करू शकतील.
चंदीगड शहरातील प्रादेशिक पासपोर्ट चीफ सिबस कबीराज यांनी सांगितले की, जेव्हा सर्व विवाहित महिला त्याच्याकडे आल्या आणि मदतीसाठी विचारू लागल्या तेव्हा त्यांनी हे काम सुरु केले. कबीराज म्हणतात की, ‘भारतीय कायद्याने पत्नींना दिशाभूल करणार्‍या भारतीय अनिवासी नवऱ्यांचे पासपोर्ट निलंबित किंवा रद्द करण्याची परवानगी दिली आहे. पासपोर्ट प्राधिकरणास यासाठी केंद्र सरकारची परवानगी आवश्यक आहे. सोबतच, हे देखील सिद्ध करणे गरजेचे आहे, की पासपोर्ट धारकाने कोणती गोष्ट लपविली आहे किंवा खोटे बोलले आहे किंवा त्याच्याविरूद्ध कोर्टाने समन्स बजावले आहे. एकंदरीत पासपोर्ट रद्द करण्यासाठी बरीच कागदी कामे करावी लागतात.
या कायद्याची माहिती कबीराज यांनी महिलांना सांगितली, आणि त्यांना संगणक आणि आवश्यक वस्तू असलेली खोली दिली. त्यांनी कागदोपत्री कामे पूर्ण केल्यास ते त्यावर स्वाक्षरी करतील असे त्यांनी महिलांना सांगितले. परदेशात बसलेल्या आपल्या पतींकडून न्याय मिळविण्याचा हा उत्तम मार्ग आहे.
कबीराज यांनी दिलेल्या माहितीनुसार, या महिलांनी मिळून ४०० पासपोर्ट रद्द केले आहेत. परराष्ट्र मंत्रालयात ५०००हून अधिक महिलांनी आपल्या फरार नवऱ्याविरोधात तक्रार दाखल केल्या आहेत. महिलांच्या तक्रारीनुसार, लग्नात मुले हुंड्यासाठी हजारो डॉलर घेतात. मग त्या पैशाचा उपयोग परदेशात खर्च करण्यासाठी आणि स्थायिक करण्यासाठी करतात. आणि बायका आणि मुलांना इथेच सोडून निघून जातात.
पासपोर्ट कार्यालयात वोलिंटिअर करणारी रीना मेहला हिचे वयाच्या २४ व्या वर्षी लग्न झाले. पाच वर्षांनंतर तिच्या नवऱ्याने सांगितले की, आपण भारतातील दुसर्‍या शहरात जादा ड्युटी करणार आहे आणि त्यानंतर त्याने तस्करांशी बोललो आणि अमेरिकेत जाण्याची योजना सुरू केली. तिचे पती राहुल कुमार सध्या ब्रॉन्क्स शहरात राहत आहेत. अखेर फेसबुकवर शोध घेत रीनाला तिच्या नवऱ्याबद्दल माहिती मिळाली. तिने पतीचा पासपोर्ट पुनरावलोकन करण्यासाठी परराष्ट्र मंत्रालय आणि अमेरिकन दूतावासाला पत्र देखील लिहिले. आत्ताच, तिच्या पतीच्या खटल्याचा निर्णय अमेरिकेच्या कोर्टात होणार आहे.
रीना अमृतपाल कौरसोबत राहते. अमृतपाल कौर यांनी सांगितले की, लग्नानंतर तीन दिवसांनी तिच्या नवऱ्याने १४,००० डॉलर्सची मागणी केली. तिचे पती कुलप्रीत सिंग म्हणाला की, इंग्लंडमधील आपली दोन वर्षांची कमाई द्यावी. लग्नाच्या दोन आठवड्यांनंतर कुलप्रीत ऑस्ट्रेलियाला रवाना झाला. कित्येक महिन्यांनंतर त्याने अमृतपालला सांगितले की, आपण तिला एक सरप्राईज देणार आहात. ती इतकी उत्साही झाली की, तिने आपल्या पतीसाठी महागड्या हिऱ्यांची अंगठी घेतली. पण जेव्हा घटस्फोटाची कागदपत्रं तिच्याकडे आली तेव्हा तिला आश्चर्य वाटले.
एक्टिविस्ट सतविंदर
तसेच २०१५ मध्ये सतविंदरच्या पतीनेही तिला सोडले होते. आता तिचा नवरा पोलंडमध्ये राहतो. आता ती तिच्यासारख्या पीडित महिलांसाठी काम करत आहे. ती पत्नीला सोडून परदेशी गेलेल्या एनआरआयच्या प्रेयसी आणि त्यांच्या मुलांचे फोटो फेसबुकवर पोस्ट करत असते. सतविंदरने तिच्या पतीविरूद्ध ११ न्यायालयीन खटले दाखल केले आहेत. तिने सांगितले की, ती दररोज आपल्या पतीला मेसेज करते, तिचा नवरा ते मेसेज पाहतो, पण जानेवारी महिन्यातून एकही उत्तर आले नाही. शेजारी व नातेवाईक आता सतविंदरची चेष्टा करत आहेत. स्वतःच्या घरातही तिला रोष सहन करावा लागतो.
तर तिच्या नवऱ्याने अरविंद पाल सिंगने हे सर्व आरोप फेटाळून लावलले आहे. अरविंदर म्हणतो की, तो भारतात आला तर त्याला अटक केली जाईल आणि त्याला बोलण्याची संधी मिळणार नाही. कागदपत्रांशिवाय, तो आता कुठेतरी जाण्यासाठी तस्करांची मदत घेत आहे.
पोलिस अधिकारी बलजीत
पोलिस अधिकारी बलजित कौर दुहेरी आयुष्य जगत आहेत, एकीकडे ती एक पोलिस आहे आणि दुसरीकडे, पतीने सोडून दिलेली स्त्री. ४२ वर्षीय बलजितचा जन्म पंजाबमधील आर्मी अधिकाऱ्याच्या घरात झाला. तिला तीन बहिणी होत्या. जेव्हा त्या सर्व बहिणी सेट झाल्या तेव्हा वयाच्या ३९व्या वर्षी तिने लग्न केले. पोलिस असूनही तिने हजारो रुपयांचा हुंडा दिला. लग्नानंतर काही दिवसानंतर बलजितचा नवरा अमेरिकेत निघून गेला. अमेरिकेत गेल्यानंतर एका आठवड्यानंतर त्याने बलजीतला नोकरी गमावल्याची माहिती दिली आणि पैसे पाठविण्यास सांगितले. बलजितने पैसे देण्यास नकार दिला. त्यानंतर दोघेही कायदेशीर लढाई लढत आहेत. कोर्टाने बलजितला तिच्या पतीच्या घराची मालकी दिली आहे, परंतु तिला आजपर्यंत मेंटेनन्स मिळाले नाही. ती म्हणते, माझ्याकडे नोकरी आहे. म्हणून मी मॅनेज करू शकते, पण ज्या मुलींकडे नाही त्यांचं काय?
आता या महिला एकमेकांचा आधार झाल्या आहेत आणि त्यांनी फरार एनआरआय पतीविरूद्ध मोहीम सुरू केल्या आहेत.
फेसबुक पेज लाईक करा : https://www.facebook.com/policenama/
- वजन कमी करण्यासाठी रोज खा दही ! टेन्शनही होईल दूर, ‘हे’ आहेत ५ लाभ
- तुम्ही मागच्या खिशात पाकीट ठेवता का ? ‘हे’ आहेत ३ धोके ! जाणून घ्या
- महिनाभर गोड खाणे टाळले तर थांबेल सांधेदुखी ! होतील ‘हे’ ५ आश्यर्चकारक फायदे
- संगणक ‘टायपिंग’मुळे ‘कार्पल टनल सिंड्रोम’चा धोका ! जाणून घ्या ४ लक्षणे, ३ उपाय
- केस गळतीवरील रामबाण उपाय सापडलाय, ‘हे’ होतील ३ फायदे
- आरोग्यासाठी चांगला पर्याय भाज्या आणि ग्रीन ज्युस, ‘हे’ आहेत ७ फायदे
- मोड आलेल्या मूगाच्या सेवनाने रहाल फिट आणि हेल्दी! ‘हे’ आहेत ६ फायदे