दुर्देवी ! फक्त 2 रूपयांमध्ये उपचार करणार्‍या डॉक्टरचा ‘कोरोना’मुळं मृत्यू, असा व्यक्ती पाहिला नसल्याचं मित्रांनी सांगितलं
नवी दिल्ली, वृत्तसंस्था : देशभरात पसरलेल्या कोरोना विषाणूने आतापर्यंत ६०० हून अधिक लोकांचा जीव घेतला आहे. रुग्णांवर उपचार करताना आरोग्य कर्मचारी देखील या संसर्गाला बळी पडत असून त्यातील काही जणांचा देखील मृत्यू झाला आहे. अशीच एक घटना कुरनूलमध्ये घडली आहे. येथील डॉ. इस्माईल त्यांच्या रूग्णांमध्ये २ रुपयांचे डॉक्टर म्हणून परिचित होते. दरम्यान त्यांचा मृत्यू झाल्याने एकच हळहळ व्यक्त केली जात असून अशी व्यक्ती कधीही पाहिली नसल्याचे लोक म्हणत आहेत.
कोविड -१९ मुळे डॉ.के.एम. इस्माईल हुसेन यांनी काही आठवड्यांपूर्वी आंध्र प्रदेशमधील कुरनूल येथील त्यांच्या रुग्णालयात काम करणे थांबवले. त्यांचा मित्र शफथ अहमद खान म्हणाला की, ‘तो नेहमीच इतका सुलभ आणि लोकप्रिय होता की, त्याच्या घराबाहेर रूग्णाच्या रांगा लागत असत. कोणत्याही कारणास्तव त्याने रुग्णाला कधीच नकार दिला नाही.एका आठवड्यानंतर, असहायतेमुळे ते रुग्णालयात कामावर गेले. दरम्यान, १४ एप्रिल रोजी डॉ. इस्माईल यांनी अखेरचा श्वास घेतला. अधिकाऱ्यांनी सांगितले की, ते कोविड -१९ रेड-झोनमध्ये काम करत असल्याने ते कोविड -१९ रूग्णाच्या संपर्कात आले असावे. कुरनूल मेडिकल कॉलेज (केएमसी) पासून एमबीबीएस आणि एमडी पूर्ण केल्यानंतर डॉ. इस्माईल व्हीआरएस घेण्यापूर्वी आणि सुमारे 25 वर्षांपूर्वी स्वतःचे खुदा नर्सिंग होम सुरू करण्यापूर्वी प्राध्यापक आणि अधीक्षक होते.
वयाच्या ७६ व्या वर्षापर्यंत सुरू ठेवली सेवा
काही महिन्यांपूर्वी ५ डिसेंबर रोजी डॉ. इस्माईल ७६ वर्षांचे झाले, परंतु या वयातही त्यांनी रुग्णांना पाहिले. केवळ कुरनूलचेच नव्हे, तर तेलंगणाच्या गडवाल आणि कर्नाटकच्या रायचूर सारख्या जवळपासच्या जिल्ह्यांमधूनही रूग्ण त्यांच्याकडे येत, महागडे उपचार घेऊ न शकणार्‍या रूग्णांमध्ये ते खूप लोकप्रिय होते. इस्माईलच्या कुटूंबाशी संबंधित असलेले अब्दुल रऊफ म्हणाले- ‘त्यांनी पैशांची काळजी केली नाही, रूग्णांनी किती पैसे दिले हे त्यांनी पाहिले नाही. त्यांच्याकडून वैद्यकीय सल्ला घेतल्यानंतर लोक जे देत ते डॉक्टर स्वीकार करत.
अब्दुल म्हणाले, ‘पूर्वी लोक अनेकदा त्यांना फक्त दोन रुपये देत. कामाच्या शेवटच्या दिवसात, लोक १० किंवा २० रुपये किंवा जे काही देत ते स्वीकार करत होते. ९० च्या दशकापासून त्यांना २ रुपयांचे डॉक्टर म्हटले जाते. तसेच कुरनूल येथील रहिवासी चंद्रशेखर यांनी सांगितले की ‘तेथे एक लाकडी पेटी होती ज्यामध्ये रुग्ण पैसे द्यायचे आणि चेंज घ्यायचे. ते १० रुपये द्यायचे आणि ५ रुपये परत घ्यायचे. किंवा ५० रुपये द्यायचे आणि ३० रुपये परत घ्यायचे. हे पूर्णपणे रुग्णावर अवलंबून होते.
डॉ. इस्माईल एक विश्वासू फॅमिली डॉक्टर होते.
डॉक्टर इस्माईल शेकडो लोकांसाठी फॅमिली कौटुंबिक डॉक्टर होते. ज्यांनी नेहमीच रूग्णांना प्राधान्य दिले. त्याच वेळी अब्दुल म्हणाले- ‘आजकाल अनेक व्यावसायिक खाजगी रुग्णालये रूग्णांकडून बरीच रक्कम घेतात, इस्माईल आवश्यकतेनुसारच चाचण्या आणि औषधे लिहित असत. तरीही, जर एखाद्या चाचणी व उपचाराचा संपूर्ण खर्च एखाद्या रूग्णाला शक्य नसेल तर तो जे काही देऊ शकेल ते घेत. तसेच ते ७ वाजता रूग्णांना पहायला रुग्णालयात जात. त्यांच्यापैकी शेवटच्या व्यक्तीपर्यंत पोहोचेपर्यंत तो रुग्णालयातच थांबत. त्यांनी अनेकदा रात्री १-२ पर्यंत काम पहिले आहे. एकेदिवशी रात्री अडीचच्या सुमारास एका व्यक्तीला पोटात दुखत असल्याची तक्रार होती. डॉक्टरांनी त्याला पाहिले आणि त्याला औषध दिले. रमजानच्या काळातही डॉ. इस्माईल उपलब्ध होते.
१५ एप्रिलला त्यांची कोरोना चाचणी पॉझिटिव्ह :
कामाच्या शेवटच्या दिवशी डॉ. इस्माईल नेहमीप्रमाणे रात्री उशिरा घरी परतले. दुसर्‍या दिवशी जागे झाल्यावर त्यांना धाप लागू लागली आणि त्याला रुग्णालयात दाखल करण्यात आले. त्यांना काही दिवसांतच कुरनूलच्या शासकीय रुग्णालयात मृत्यू झाला. कोविड -१९ चाचणी पॉझिटिव्ह आल्यानंतर दुसर्‍या दिवशी केएम सील करण्यात आले. तसेच, रूग्णालयातील कर्मचारी आणि अलीकडेच त्यांच्या संपर्कात आलेल्या रुग्णांना क्वारंटाईन करण्यात आले आहे. पत्नी आणि मुलासह त्याच्या कुटुंबातील सहा जण कोरोना पॉझिटिव्ह असल्याचे आढळले आहे. त्याच्या पश्चात पत्नी, तीन मुली आणि एक मुलगा आहे.