तबलिगी जमातीशी संबंधित 17 राज्यातील 1023 लोकांना ‘कोरोना’च संक्रमण, देशातील एकुण प्रकरणांपैकी 30 % : आरोग्य मंत्रालय

नवी दिल्ली :  वृत्तसंस्था  –   आरोग्य मंत्रालयाने म्हटले आहे की आतापर्यंत देशात एकूण 2902 लोकांना कोरोनाची लागण झाल्याचे आढळले आहे, त्यापैकी 68 लोक मरण पावले आहेत आणि 183 बरे झाले आहेत. गेल्या 24 तासांत 601 नवीन प्रकरणे समोर आली आहेत. एकाच दिवसात कोरोना संक्रमित होण्याची ही सर्वाधिक संख्या आहे. आरोग्य मंत्रालयाने असेही म्हटले आहे की देशातील एकूण प्रकरणांपैकी 1023 प्रकरणे म्हणजेच 30% प्रकरणे तबलीगी जमातशी संबंधित आहेत. आरोग्य आणि कुटुंब कल्याण मंत्रालयाचे सहसचिव लव अग्रवाल यांनी शनिवारी सांगितले की, तबलीगी जमात संबंधित प्रकरणे ही तामिळनाडू, दिल्ली, राजस्थान, जम्मू काश्मीर, कर्नाटक, अंदमान आणि निकोबार, उत्तराखंड, हिमाचल प्रदेश, झारखंड या राज्यांसहित 17 राज्यांमध्ये समोर आली आहेत.

तबलीगी जमातचे 22 हजार लोक क्वारंटाइन

गृह मंत्रालयाचे सहसचिव पुण्य सलीला श्रीवास्तव यांनी सांगितले की तबलीगी जमातमध्ये सहभागी असलेल्या लोकांच्या संपर्कात आलेल्या 22 हजार लोकांना क्वारंटाइन करण्यात आले आहे. विशेष म्हणजे दिल्लीतील निजामुद्दीन येथे असलेल्या तबलीगी जमातच्या मरकज मध्ये सामील झालेले हजारो लोक देशाच्या विविध भागात गेले आहेत. राज्य सरकार युद्धपातळीवर त्यांचा मागोवा घेत त्यांना क्वारंटाइन करत आहे. दरम्यान, या लोकांच्या संपर्कात आलेल्या इतर लोकांनाही क्वारंटाइन करण्यात येत आहे.

या लोकांना अधिक धोका

आरोग्य मंत्रालयाने म्हटले की आता ज्या लोकांचा मृत्यू झाला आहे ते अधिकतर लोक वयोवृद्ध आहेत आणि आरोग्याच्या इतर समस्यांनी ग्रस्त आहेत. लव अग्रवाल असेही म्हणाले की, देशातील कोरोना संक्रमित रूग्णांच्या दुपटीचे प्रमाण हे इतर देशांपेक्षा कमी आहे. कोविड -19 च्या 58 रुग्णांची प्रकृती गंभीर आहे. हे केरळ, मध्य प्रदेश आणि दिल्ली येथे आहेत.

21-40 वर्षाचे सर्वाधिक रुग्ण

आरोग्य मंत्रालयाने आतापर्यंत नोंदविलेल्या घटनांच्या आधारे कोरोना संक्रमित 9% रुग्ण 0-20 वर्ष वयोगटातील आहेत. 42 टक्के रुग्ण 21 ते 40 वर्ष वयोगटातील आहेत. 33 टक्के रुग्ण 41 ते 60 वर्ष वयोगटातील आहेत तर 17 टक्के रुग्ण हे 60 वर्षांपेक्षा जास्त वयाचे आहेत.

आरोग्य मंत्रालयाचे सहसचिव म्हणाले की आवश्यकतेनुसार तपासणीची संख्या वाढविली जात आहे. आता दररोज 10 हजारांच्या संख्येस तपासले जाते. तसेच 31 हजार सेवानिवृत्त डॉक्टर स्वयंसेवक म्हणून समोर आले असल्याची माहिती त्यांनी दिली. ते म्हणाले की, 97 कार्गो जहाजांमार्फत 1019 टन वैद्यकीय वस्तू राज्यांना पाठविण्यात आल्या आहेत.