राम मंदिराच्या भूमीपूजनामध्ये VC च्या माध्यमातून सहभागी होऊ शकतात लालकृष्ण अडवाणी आणि मुरली मनोहर जोशी

नवी दिल्ली : वृत्तसंस्था – पंतप्रधान नरेंद्र मोदी 5 ऑगस्टला अयोध्येत राम मंदिर बांधण्यासाठी भूमिपूजन करतील. भारतीय जनता पक्षाचे मार्गदर्शक लालकृष्ण अडवाणी आणि ज्येष्ठ नेते मुरली मनोहर जोशी हे व्हिडिओ कॉन्फरन्सिंगद्वारे या क्षणाचे साक्षीदार होतील. रामजन्मभूमी आंदोलनाचे चेहरे असलेले दोन ज्येष्ठ नेत्यांना विश्व हिंदू परिषदेचे अधिकारी आणि राम जन्मभूमी तीर्थक्षेत्र ट्रस्टचे सरचिटणीस चम्पत रायद्वारे आमंत्रित केले जाईल. तथापि, आमंत्रण केव्हा पाठविले जाईल याबद्दल अधिकाऱ्याने काही सांगितले नाही.

1992 मध्ये बाबरी मशीद पाडल्यामुळे रामजन्मभूमीच्या आंदोलनाचे आर्किटेक्ट समजल्या जाणाऱ्या अडवाणी आणि जोशी यांच्या अनुपस्थितीबाबत बरेचसे अनुमान वर्तवले जात आहेत. भाजपाच्या एका वरिष्ठ अधिकाऱ्याने नाव न सांगण्याच्या अटीवर सांगितले की वय आणि कोरोना साथीच्या आजारामुळे दोन्ही नेत्यांना या कार्यक्रमास उपस्थित न राहण्याचा सल्ला देण्यात आला आहे.

ते म्हणाले, ‘गेल्या महिन्यात केंद्रीय गृहमंत्री अमित शहा आणि पक्षाचे सरचिटणीस भूपेंद्र यादव यांनी अडवाणींची भेट घेतली होती. ही एक नियमित बैठक होती, जसे आमचे वरिष्ठ नेते नेहमी घेतात.’ 2014 च्या लोकसभा निवडणुकांमध्ये केंद्रात भाजपाची सत्ता आल्यानंतर अडवाणी आणि जोशी तसेच यशवंत सिन्हा ज्यांनी आता पक्ष सोडला आहे, यांना मार्गदर्शक मंडळाचा भाग बनवण्यात आले, ज्यांचा उद्देश पक्षाला मार्गदर्शन करण्याचा होता.