संजय घूगरे याचे दररोज बसने येणेजाणे करतो. प्रणालीसुद्धा उंडनगाव येथून शिक्षणानिमित्त पालोद येथे बसने येणे जाणे करत होती. या दरम्यान, संजय तिची बसच्या प्रवासात रोज छेड काढत होता. मी म्हणेल तसे वाग नसता माझ्याकडे तुझे फोटो आणि व्हिडीओ आहे ते सोशल मीडियात व्हायरल करेल, तुझी आणि तुझ्या कुटुंबाची बदनामी करेल अशी धमकी देत होता. या रोजच्या त्रासाला प्रणाली कंटाळली होती. तिने याबाबत तिच्या पालकांना सांगितले असता त्यांनी संजयला समजावले होते. मात्र त्याने छेडछाड बंद केली नाही. यामुळे प्रणालीने आत्महत्या केल्याची तक्रार कृष्णा जाधव यांनी पोलिसात केली आहे.
सोमवारी प्रणालीचा पालोद येथील महाविद्यालयात निरोप समारंभ होता. यावेळी संजय घुगरे या कार्यक्रमात आला. त्याने प्रणालीला परत बदनामीची धमकी दिली. यानंतर घरी येताच सायंकाळी प्रणालीने आत्महत्या केली. पुढील तपास अजिंठा पोलीस करीत आहेत.