मुंबई पोलिसांनी ‘सुशांत’ प्रकरणात का नोंदविला नाही FIR, उघडकीस आले ‘रहस्य’ !
नवी दिल्ली, वृत्तसंस्था : भाजपाचे राज्यसभेचे खासदार सुब्रह्मण्यम स्वामी यांनी शुक्रवारी एक ट्विट करून असे स्पष्ट केले की मुंबई पोलिसांनी अद्याप बॉलिवूड अभिनेता सुशांत सिंह राजपूत यांच्या मृत्यूच्या चौकशीत एफआयआर का नोंदविला नाही. यासह पोस्टमार्टम अहवाल प्रोविजनल का आहे हे देखील त्यांनी स्पष्ट केले.
स्वामींनी आपल्या ट्विटर अकाउंटवरून ट्विट केले की, ‘मुंबई पोलिसांनी सुशांत सिंह राजपूत प्रकरणात एफआयआर का दाखल केला नाही? पोस्टमार्टम रिपोर्टला प्रोविजनल का म्हटले गेले? दोघांनाही एकच कारण आहे: रुग्णालयाच्या डॉक्टरांना फॉरेन्सिक विभागाकडून सुशांतच्या व्हिसेरा अहवालाची प्रतीक्षा आहे, जेणेकरुन सुशांतला विषबाधा झाली की नाही हे समजू शकेल. त्याचे नखेही पाठविण्यात आले आहेत.’
Why Mumbai Police not filed a FIR on Sushant Singh Rajput? Why post-mortem report been titled provisional? Both for one reason : The Hospital doctors are awaiting SSR’s viscera report from Forensic Department to know whether he had been poisoned. His nails have also been sent
— Subramanian Swamy (@Swamy39) July 31, 2020
याच्या एक दिवस आधी स्वामींनी ट्विटरवर लिहिले होते की सुशांत सिंह राजपूतची ‘हत्या’ झाली आहे असे त्यांना पूर्णपणे वाटत आहे. स्वामींनी आपल्या दाव्याच्या समर्थनार्थ गुरुवारी कागदपत्रे पोस्ट केली होती.
Judging by Sunanda Pushkar case, Delhi Police had bluffed by asking for a second and third opinion on whether there was poison in her body. Finally after BJP came to power the opinion of the AIIMS Forensic Dept Head Dr. Sudhir Gupta prevailed. Mumbai Police should ask him
— Subramanian Swamy (@Swamy39) July 31, 2020
स्वामींनी एका दस्तऐवजाचे फोटो ट्विट केले होते ज्यात 26 पॉइंट्स होते. त्यांनी ट्विटमध्ये म्हटले होते, ‘मला यामुळे वाटते की सुशांत सिंहची हत्या झाली आहे.’ डॉक्यूमेंटनुसार, ‘सुशांतच्या गळ्यावरील खुणा आत्महत्येचे नव्हे तर खुनाचे संकेत दर्शवितात. पुढे दावा करण्यात आला आहे की फाशी घेऊन आत्महत्या करण्यासाठी आपल्या पायाच्या खालील टेबलाला हटवून स्वत:ला लटकवून घ्यावे लागते. डॉक्यूमेंटमध्ये पुढे असा दावा केला आहे की मृत अभिनेत्याच्या शरीरावरील खुणा ‘प्राणघातक’ हल्ल्याचे संकेत दर्शवितात.’