पुणे : पोलीसनामा ऑनलाइन – सावत्र वडीलांनी मोबाईल पाहिल्यानंतर मारहाण करत जीवे मारण्याची धमकी दिल्याने १७ वर्षीय मुलीने राहत्या घरी गळफास घेऊन आत्महत्या केल्याचा प्रकार हडपसरमध्ये उघडकिस आला आहे. याप्रकरणी तिच्या सावत्र वडीलांविरोधात आत्महत्येस प्रवृत्त केल्याप्रकरणी वानवडी पोलिस ठाण्यात गुन्हा दाखल करण्यात आला आहे.
वेदिका बडदे (१७, हांडेवाडी रोड हडपसर ) असे आत्महत्या करणाऱ्या मुलीचे नाव आहे. तर प्रीतम संजय बडदे (३७, रा. हडपसर) याच्याविरोधात दिप्ती बडदे (३६) यांनी दिलेल्या फिर्यादीनुसार गुन्हा दाखल कऱण्यात आला आहे.
पोलिसांनी दिलेल्या माहितीनुसार, दिप्ती बडदे यांनी पहिल्या पतील घटस्फोट देऊन प्रीतम बडदे याच्याशी लग्न केले होते. वेदिका ही पहिल्या पतीपासून झालेली मुलगी होती. प्रीतम बडदे याच्याशी त्यांचे लग्न २००६ साली झाले होते. तेव्हापासून प्रीतम बडदे हा तिला स्वत:च्या मुलीप्रमाणे वागवत नव्हता. तसेच तो तिला मोबाईल वापरू देत नव्हता. दिप्ती यांच्या परवानगीशिवाय त्याने दुसरे लग्नही केले होते. मात्र प्रीतम बडदे तिला व दिप्ती यांना वेळोवेळी मारहाण करणे, धमकावणे असे प्रकार करत होता. मुलीने मोबाईल वापरला तर ती गैरप्रकार करेल असा त्याचा समज होता. १६ जानेवारी रोजी वेदिकाजवळ त्याला एक मोबाईल मिळाला. त्यामुळे त्याने तिला त्याच्या दुकानासमोरच सर्वांसमक्ष शिवीगाळ करत मारहाण केली होती.
त्यानंतर मोबाईल पुन्हा दिसला तर खून करेन अशी धमकीही दिली. त्यानंतर याचा धक्का बसल्याने आलेल्या नैराश्यातून वेदिका हिने १७ जानेवारी रोजी राहत्या घरात गळफास घेऊन आत्महत्या केली. पुढील तपास सहायक पोलिस निरीक्षक व्ही. डी. राऊत करत आहेत.