Supriya Sule | अजित पवारांचा अपमान करण्यासाठी सोबत घेतलं का? पडळकरांच्या विधानावरुन सुप्रिया सुळेंचा भाजपला थेट सवाल
नवी दिल्ली : वृत्तसंस्था – Supriya Sule | राज्याचे उपमुख्यमंत्री अजित पवार (Ajit Pawar) यांना भाजप आमदार गोपीचंद पडळकर (BJP MLA Gopichand Padalkar) यांनी ‘लांडग्याचं पिल्लू’ म्हणत टीका केल्यानंतर कार्यकर्ते आक्रमक झाले आहेत. राष्ट्रवादीच्या (NCP)नेत्यांकडून देखील पडळकर आणि भाजपवर (BJP) निशाणा साधला जात आहे. याचदरम्यान याबाबत माध्यमांनी देवेंद्र फडणवीस (Devendra Fadnavis) यांना विचारणा केली आहे. त्यावेळी फडणवीसांनी पडळकर यांचे कान टोचले आहेत. सुप्रिया सुळे (Supriya Sule) यांनी या वादावर प्रतिक्रिया देताना, यासाठीच भाजपने अजित पवारांना सोबत घेतलं का? असा थेट सवाल केला आहे. तसेच हा अजित पवारांचा मोठा अपमान असल्याचंही त्यांनी म्हटलं आहे.
सुप्रिया सुळे म्हणाल्या, दुर्दैव एका गोष्टीचं मला वाटतं, अजित दादा हे महाराष्ट्राचे वरिष्ठ नेते आहेत, विशेष म्हणजे ते आज भाजपसोबत सत्तेत आहेत. तरीही त्यांचा मित्र पक्ष त्यांच्याबद्दल असं बोलत आहे. भाजपने याचे उत्तर दिले पाहिजे, तुम्ही एवढ्या मोठ्या मनाने अजित पवारांना सत्तेत सोबत घेतलं. मग ते अजित पवारांचा अपमान करण्यासाठी घेतले का? असा सवाल त्यांनी भाजपला विचारला आहे. ही कुठली पद्धत आहे, स्वत:च्या सहकारी पक्षनेतृत्त्वाबद्दल बोलायची, हे दुर्दैवी असून अजित पवारांचा अपमान आहे, अशा शब्दात सुप्रिया सुळे (Supriya Sule) यांनी प्रतिक्रिया दिली आहे.
फडणवीसांनी टोचले कान
गोपीचंद पडळकर यांच्या विधानावर प्रतिक्रिया देताना उपमुख्यमंत्री देवेंद्र फडणवीस म्हणाले, मला असं वाटतं की,
गोपीचंद पडळकर यांचं वक्तव्य अयोग्य आहे. अशाप्रकारचं विधान त्यांनी करणं हे चुकीचे आहे, तिन्ही पक्षातील नेत्यांनी,
कार्यकर्त्यांनी आणि आमदारांनी तिन्ही पक्षातील नेत्यांचा सन्मान ठेवला पाहिजे.
अशाप्रकारच्या भाषेचा बिलकुल उपयोग करु नये, असे माझे स्पष्ट मत आहे, असे म्हणत देवेंद्र फडणवीस यांनी पडळकर यांचे कान टोचले आहेत.
काय म्हणाले पडळकर?
गोपीचंद पडळकर म्हणाले, धनगर समाजाबद्दल अजित पवार यांची भावना स्वच्छ नाही.
म्हणून अजित पवार यांना पत्र देण्याची गरज नाही. अजित पवार लबाड लांडग्याचं लबाड पिल्लू आहेत.
अजित पवारांना आम्ही मानत नाही आणि कधी पत्रही दिलं नाही. पुढेही देण्याची आवश्यकता वाटत नाही.
त्यामुळे ज्यांच्याकडून आम्हाला न्याय मिळू शकतो, अशा मुख्यमंत्री आणि उपमुख्यमंत्री फडणवीस यांना पत्र दिलं आहे.
Join our WhatsApp Group, Telegram, facebook page and Twitter for every update
Pune Police | गणेश भक्तांसाठी पुणे पोलिसांकडून ‘गणेशोत्सव 2023 डिजिटल रोड मॅप’ लाँच (व्हिडीओ)